ചൊക്ലി: കേരളാ സ്റ്റേറ്റ് ഭാരത് സ്‌കൗട്ട്‌സ് ആന്റ് ഗൈഡ്‌സ് തലശ്ശേരി ജില്ലാ അസോസിയേഷന്റെ നേതൃത്വത്തില്‍ സ്‌കൗട്ട്, ഗൈഡ്, കബ്ബ്, ഫ്‌ലോക്ക്, റോവര്‍ ലീഡേര്‍സ് സെമിനാര്‍ നടന്നു. സ്‌കൗട്ട്‌സ് ആന്റ് ഗൈഡ്‌സ് സംസ്ഥാന സെക്രട്ടറി എ.കെ സജിത്ത് സെമിനാര്‍ ഉദ്ഘാടനം ചെയ്തു.
ചടങ്ങില്‍ കെ.പി കുഞ്ഞിരാമന്‍ നമ്പ്യാര്‍, എന്‍.ഒ റോസമ്മ എന്‍ഡോവ്‌മെന്റുകള്‍ വിതരണം ചെയ്തു. ജില്ലയിലെ ബാബുരാജ്, ഇ. അസീസ് എന്നിവര്‍ക്ക് കെ.പി.കെ എന്‍ഡോവ്‌മെന്റും റീന, അപര്‍ണ എന്നിവര്‍ക്ക് എന്‍.ഒ റോസമ്മ എന്‍ഡോവ്‌മെന്റും മികച്ച വിദ്യാലയത്തിനുള്ള പുരസ്‌കാരം കൂത്തുപറമ്പ് റാണിജയ് ഹയര്‍ സെക്കന്ററി സ്‌കൂളിനും സംസ്ഥാന സെക്രട്ടറി എ.കെ സജിത്ത് കൈമാറി. കെ.ടി ചന്ദ്രന്‍ അധ്യക്ഷനായി. കണ്ണൂര്‍ ജില്ലാ സ്‌കൗട്ട് ഗൈഡ് സെക്രട്ടറി എ. പ്രകാശന്‍, യതീന്ദ്രദാസ്, രമണി പുതുക്കുടി, പി.കെ രാമചന്ദ്രന്‍, ജി. മണീന്ദ്രന്‍, സി. സൗമിനി, ജസിന്ദാ പെരേര, എം.പി ഭാസ്‌കരന്‍, പി. ബിജോയ്, കെ.പി ഷീബ സംസാരിച്ചു.