മ്യൂണിക്: കൊവിഡ് കാരണം കാണികളില്ലാതെയാണ് ബുണ്ടസ്‌ലിഗ മത്സരങ്ങള്‍ മുന്നോട്ട് പോവുന്നത്. എന്നാല്‍ ഇത് താരങ്ങളെ ഒരിക്കലും ബാധിക്കാതിരിക്കാന്‍ എഫ്.സി കൊളോണ്‍ പുതിയ രീതി കണ്ടെത്തി. സ്റ്റേഡിയത്തിലെ കസേരകളിലെല്ലാം കട്ടൗട്ടുകളും ടീമിന്റെ ജഴ്‌സിയും നിറച്ച് സ്റ്റേഡിയം കളര്‍ഫുളാക്കി. ടീമിന്റെ പേരുകള്‍ ആലേഖനം ചെയ്ത ഷാളുകളും സ്റ്റേഡിയത്തില്‍ തൂക്കിയാണ് കൊളോണ്‍ താരങ്ങള്‍ക്ക് ആവേശം പകര്‍ന്നത്. നേരത്തെ മറ്റൊരു ബുണ്ടസ്‌ലിഗ ക്ലബായ മെന്‍ചെങ്ക്‌ളബന്‍ ഫാന്‍സിന്റെ കട്ടൗട്ട് സ്റ്റേഡിയത്തില്‍ സ്ഥാപിച്ചിരുന്നു. അടച്ചിട്ട സ്റ്റേഡിയത്തില്‍ മത്സരം നടക്കുന്ന സമയത്ത് പണം നല്‍കുന്ന ആരാധകന്റെ കട്ടൗട്ട് സ്റ്റേഡിയത്തില്‍ സ്ഥാപിക്കുന്നതായിരുന്നു രീതി. ഇത്തരത്തില്‍ ആയിരത്തിലധികം ആരാധകരാണ് മെന്‍ചെങ്ക്‌ളബന്‍ ടീമിന്റെ സ്റ്റേഡിയത്തില്‍ കട്ടൗട്ട് സ്ഥാപിക്കാന്‍ മുന്നോട്ടുവന്നത്.