ആനക്കര:കൂടല്ലൂര്‍ സ്പര്‍ശം സാംസ്‌കാരിക വേദി നാലാം വാര്‍ഷികവും സാംസ്‌കാരിക സമ്മേളനവും ഏപ്രില്‍ 14 ന് വൈകീട്ട് അഞ്ചിന് കൂടല്ലൂരില്‍ നടക്കും.മന്ത്രി കെ.ടി.ജലീല്‍ ഉദ്ഘാടനം ചെയ്യും.വി.ടി.ബല്‍റാം എം.എല്‍.എ അധ്യക്ഷനാവും. ആലങ്കോട് ലീലാകൃഷ്ണന്‍ മുഖ്യപ്രഭാഷണം നടത്തും. മാമുക്കോയ വിശിഷ്ടാതിഥിയാകും. പുരസ്‌ക്കാര വിതരണം,ആദരിക്കല്‍,ഏക പാത്രനാടകം,കോഴിക്കോട് ഫ്രണ്ട്‌സ് ഓര്‍ക്കസ്ട്രയിടെ ഗാനമേള എന്നിവയുണ്ടാകും. നാല് വര്‍ഷമായി കൂടല്ലൂരില്‍ കലാ സാംസ്‌ക്കാരിക സാമുഹിക മേഖലയില്‍ സജീവമായിപ്രവര്‍ത്തിക്കുന്ന സ്പര്‍ശം.സ്ഥിരമായ സേവന സന്നദ്ധരായ ഒരു ഡോക്ടറും ലാബും കൂടല്ലൂരില്‍ പ്രവര്‍ത്തനം ആരംഭിക്കാനുളള ശ്രമത്തിലാണ് സ്പര്‍ശത്തിന്റെ പ്രവര്‍ത്തകര്‍. ഈ മേഖലയിലെ ഒരുകൂട്ടം സന്നദ്ധരായ പ്രവര്‍ത്തകരുടെ കൂട്ടായ്മയാണിത്.