പാലക്കാട്: 2018 പ്ലസ് ടു (സയന്‍സ്,കണക്ക്) പരീക്ഷയില്‍ കുറഞ്ഞത് നാല് വിഷയത്തിനെങ്കിലും ബി ഗ്രേഡില്‍ കുറയാത്തവരും മെഡിക്കല്‍ പൊതുപ്രവേശന പരീക്ഷയില്‍ 15 ശതമാനം മാര്‍ക്ക് നേടിയവരുമായ പട്ടിക വര്‍ഗ വിദ്യാര്‍ഥികള്‍ക്ക് 2019 ലെ നീറ്റ് എഞ്ചിനിയറിങ് പ്രവേശന പരീക്ഷയ്ക്ക് ഒരു വര്‍ഷത്തെ പരിശീലനം നല്‍കും.
താത്പര്യമുള്ളവര്‍ ബയോഡാറ്റ, താമസിച്ച് പഠിക്കുന്നതിനുള്ള സമ്മതപത്രം, രക്ഷിതാവിന്റെ സമ്മതപത്രം, പ്ലസ് ടു സര്‍ട്ടിഫിക്കറ്റ്, 2018 ലെ പ്രവേശന പരീക്ഷയുടെ മാര്‍ക് ഷീറ്റ്, ജാതി-വരുമാന സര്‍ട്ടിഫിക്കറ്റുകള്‍ സഹിതം ജൂണ്‍ 25 വൈകിട്ട് അഞ്ചിനകം അപേക്ഷ നല്‍കണം.
അട്ടപ്പാടി ഐ.ടി.ഡി.പി. ഓഫീസ്, അഗളി-പുതൂര്‍-ഷോളയൂര്‍ ട്രൈബല്‍ എക്സ്റ്റന്‍ഷന്‍ ഓഫിസ് എന്നിവിടങ്ങളില്‍ അപേക്ഷ സ്വീകരിക്കും.