കൂറ്റനാട്: കാര്‍ഷികോപകരണങ്ങളുടെ കിറ്റ് വിതരണം നടത്തി. തൃത്താല എംപ്ലോയീസ് കോപ്പറേറ്റീവ് സൊസൈറ്റിയുടെ ഹരിതം സഹകരണം പദ്ധതിയുടെ ഭാഗമായി സ്‌കൂളുകളിലെ കൃഷി പ്രോത്സാഹിപ്പിക്കുന്നതിനു വേണ്ടി നല്‍കുന്ന കാര്‍ഷികോപകരണ കിറ്റുകളുടെ വിതരണോദ്ഘാടനം സൊസൈറ്റി പ്രസിഡന്റ് ബാബു നാസര്‍ നിര്‍വഹിച്ചു. ഹരിനാരായണന്‍ അധ്യക്ഷനായി. വാസുദേവന്‍, ഇക്ബാല്‍, കെ. ഉഷ, രമ പ്രകാശ്, സൊസൈറ്റി സെക്രട്ടറി തുഷാര പങ്കെടുത്തു. തൃത്താല സബ് ജില്ലയിലെ തിരഞ്ഞെടുത്ത 17 എല്‍.പി സ്‌കൂളുകള്‍ക്കാണ് ആദ്യഘട്ട വിതരണം.