സമനിലയില്‍ അവസാനിച്ച ഗ്രൂപ്പ് ബിയിലെ മത്സരത്തില്‍ സ്‌പെയിനും പോര്‍ച്ചുഗലും പ്രീക്വാര്‍ട്ടറില്‍.

ആവേശം അവസാന നിമിഷം വരെ നീണ്ടു നിന്ന മത്സരത്തില്‍ സ്‌പെയിനിനെ ഞെട്ടിച്ച് കൊണ്ട് മൊറോകൊയാണ് ആദ്യഗോള്‍ നേടിയത്. ഖാലിദ് ബൗത്തേയ്ബ് 14-ാം മിനിറ്റില്‍ മൊറോകൊക്ക് വേണ്ടി ഗോള്‍ നേടിയത്. എന്നാല്‍ അധികം സമയം വൈകാതെ തന്നെ സ്‌പെയിന്‍ മറുപടി നല്‍കി. 19-ാം മിനറ്റിലായിരുന്നു ഇസ്‌കോയുടെ ഗോള്‍. 81-ാം മിനിറ്റില്‍ യുസഫ് എന്‍നെസ്യാരി മൊറോക്കെക്ക് വീണ്ടും ലീഡ് നല്‍കി. മികച്ച ഹെഡറിലൂടെയാണ് യുസഫിന്റെ ഗോള്‍. ഇഞ്ചുറിടൈമിലെ ആദ്യ മിനിറ്റില്‍ ലിയാഗോ അസ്പാസ് സ്‌പെയിനിന് മനോഹരമായ ഗോളിലൂടെ സമനിലയിലെത്തിച്ചു.

പോര്‍ച്ചുഗല്‍-ഇറാന്‍ മത്സരത്തില്‍ റിക്കാര്‍ഡോ ഖൊറേഷ്മ 45-ാം മിനിറ്റില്‍ പോര്‍ച്ചുഗലിന് വേണ്ടി ഗോള്‍ നേടി. 52-ാംമിനിറ്റില്‍ ലീഡ് വര്‍ദ്ധിപ്പിക്കാന്‍ പോര്‍ച്ചുഗിലിന് ലഭിച്ച പെനാല്‍റ്റി ക്രിസ്റ്റിയാനോ റൊണാള്‍ഡോ പാഴാക്കി. ഇഞ്ചുറി ടൈമിലെ മൂന്നാം മിനിറ്റില്‍ കരിം അന്‍സാരിഫാര്‍ഡ് പെനാല്‍റ്റിയിലൂടെ ഇറനെ സമനിലയിലെത്തിച്ചത്.

അഞ്ച് പോയിന്റാണ് പോര്‍ച്ചുഗലിനും സ്‌പെയിനിനുമുള്ളത്. എന്നാല്‍ ഗോള്‍ ശരാശരിയിലെ കണക്കാക്കനുസരിച്ചാണ് സ്‌പെയിന്‍ ഗ്രൂപ്പ് ചാംപ്യന്‍മാര്‍ ആയത്.
4പോയിന്റുള്ള ഇറാന്‍ മൂന്നാം സ്ഥാനത്തും 1 പോയിന്റുള്ള മൊറോക്കൊ നാലാം സ്ഥാനത്തുമാണ്.