കൊയിലാണ്ടി: കേരള സ്റ്റേറ്റ് ഫുട്‌ബോള്‍ അസോസിയേഷന്റെ മികച്ച ജൂനിയര്‍ ഫുട്‌ബോളര്‍ക്കുള്ള സ്വര്‍ണമെഡല്‍ കരസ്ഥമാക്കിയ കൊയിലാണ്ടി ഗവ. ഗേള്‍സ് ഹയര്‍ സെക്കന്‍ഡറി സ്‌കൂള്‍ വിദ്യാര്‍ഥിനി എ.ടി കൃഷ്ണപ്രിയക്ക് സ്‌കൂളിന്റെ അനുമോദനം. നഗരസഭ ചെയര്‍മാന്‍ കെ. സത്യന്‍ ഉദ്ഘാടനം ചെയ്തു. കായികാധ്യാപകന്‍ എം. ജ്യോതികുമാറിനെയും ഫുട്‌ബോള്‍ പരിശീലകന്‍ എന്‍.കെ കണാരനെയും ആദരിച്ചു.
കെ.ഡി.എഫ്.എ വൈസ് പ്രസിഡന്റ് സി.കെ അശോകന്‍ മുഖ്യാതിഥിയായി. നഗരസഭാംഗം പി.എം ബിജു അധ്യക്ഷനായി. നഗരസഭാംഗങ്ങളായ കെ. ഷിജു, സലീന, പ്രിന്‍സിപ്പല്‍ എ. പ്രബീത്, പ്രധാനാധ്യാപകന്‍ മൂസ മേക്കുന്നത്ത്, പി.ടി.എ പ്രസിഡന്റ് എ. സജീവ് കുമാര്‍, വൈസ് പ്രസിഡന്റ് അന്‍സാര്‍ കൊല്ലം, മണിപ്രസാദ്, എം.കെ ഗീത, രാഗേഷ് കുമാര്‍, എസ്. പ്രമോദ് സംസാരിച്ചു.