ന്യൂഡല്‍ഹി: ആഭ്യന്തര വിമാനസര്‍വീസ് മെയ് മുതല്‍ ആരംഭിക്കുമെന്ന് വ്യോമയാന മന്ത്രി ഹര്‍ദീപ് സിങ് പുരി അറിയിച്ചു. സര്‍വീസ് ആരംഭിക്കുന്നതിനായി എല്ലാ വിമാനത്താവളങ്ങളെയും വിമാനകമ്പനികളെയും ഇക്കാര്യം അറിയിച്ചിട്ടുണ്ടെന്നും യാത്രക്കാരെ കൈകാര്യം ചെയ്യേണ്ടതുള്‍പ്പെടെയുള്ള സ്റ്റാന്‍ഡേര്‍ഡ് പ്രൊസീജ്യര്‍ വ്യോമയാനമന്ത്രാലയം ഉടന്‍ പുറത്തിറക്കുമെന്നും അദ്ദേഹം ട്വിറ്ററില്‍ അറിയിച്ചു.

രാജ്യത്ത് കൊവിഡ് വ്യാപനത്തിന്റെ പശ്ചാത്തലത്തില്‍ ലോക്ഡൗണ്‍ പ്രഖ്യാപിച്ചതോടെയാണ് ആഭ്യന്തര വിമാനസര്‍വീസുകള്‍ നിര്‍ത്തിവെച്ചത്.