ന്യൂഡല്‍ഹി: പാര്‍ലമെന്റില്‍ ഒരു മുതിര്‍ന്ന ഉദ്യോഗസ്ഥന് കൂടി കൊവിഡ് സ്ഥിരീകരിച്ചു. എഡിറ്റോറിയല്‍ ആന്റ് ട്രാന്‍സിലേഷന്‍ വിഭാഗത്തില്‍ ജോലിചെയ്യുന്ന മുതിര്‍ന്ന ഉദ്യോഗസ്ഥനാണ് രോഗം സ്ഥിരീകരിച്ചത്. പാര്‍ലമെന്റ് അനക്‌സ് മന്ദിരത്തിലെ അഞ്ചാം നിലയിലുള്ള ഓഫിസില്‍ മെയ് 12 വരെ ഇയാള്‍ എത്തിയിരുന്നുവെന്നാണ് റിപോര്‍ട്ട്. ഏപ്രിലില്‍ ലോക്‌സഭാ സെക്രട്ടേറിയറ്റില്‍ ജോലിചെയ്യുന്ന തൂപ്പുകാരന് കൊവിഡ് സ്ഥിരീകരിച്ചശേഷം പാര്‍ലമെന്റില്‍ റിപോര്‍ട്ടുചെയ്യുന്ന രണ്ടാമത്തെ കേസാണിത്.