മാനന്തവാടി: ടൗണില്‍ നിന്നും കഞ്ചാവ് പിടികൂടി. സംഭവത്തില്‍ ഒരാള്‍ പിടിയിലായി. മാനന്തവാടി കണിയാരം ലക്ഷംവീട് കോളനിയിലെ ഗോപാല(55)നാണ് കഞ്ചാവുമായി എക്‌സൈസിന്റെ പിടിയിലായത്. മാനന്തവാടി എക്‌സൈസ് ഇന്‍സെപ്കടര്‍ സി അബുവും സംഘവും തലശ്ശേരി റോഡില്‍ വെച്ചാണ് ഇയാളെ പിടികൂടിയത്. രഹസ്യ വിവരത്തിന്റെ അടിസ്ഥാനത്തില്‍ നടത്തിയ അന്വേഷണത്തിലാണ് ഗോപാലന്‍ എക്‌സൈസിന്റെ വലയിലായത്. സ്വകാര്യ കെട്ടിടങ്ങളുടെ പാര്‍ക്കിംഗ് ഏരിയകളും മറ്റും കേന്ദ്രീകരിച്ച് യുവാക്കളടക്കം നിരവധിയാളുകള്‍ കഞ്ചാവ് ഉപയോഗിക്കുന്നതായി ശ്രദ്ധയില്‍പ്പെട്ടിട്ടുണ്ടെന്ന് എക്‌സൈസ് ഉദ്യോഗസ്ഥര്‍ പറഞ്ഞു. നഗരങ്ങളും ഗ്രാമങ്ങളും കേന്ദ്രീകരിച്ച് കര്‍ശന റെയിഡുകള്‍ സംഘടിപ്പിക്കുമെന്ന് എക്‌സൈസ് അധികൃതര്‍ അറിയിച്ചു.