തിരുവനന്തപുരം: സംസ്ഥാനം ആരോഗ്യരംഗത്ത് ഒന്നാമതെത്തിയത് യു.ഡി.എഫ് സര്‍ക്കാരിന്റെ അവസാനകാലത്തെന്ന് മുന്‍മുഖ്യമന്ത്രി ഉമ്മന്‍ചാണ്ടി. അഞ്ച് വര്‍ഷവും യുഡിഎഫ് ആരോഗ്യമേഖലയ്ക്കാണ് പ്രാധാന്യം നല്‍കിയതെന്നും അദ്ദേഹം കൂട്ടിച്ചേര്‍ത്തു.

എല്‍.ഡി.എഫ് ഗവണ്‍മെന്റ് 201011 ല്‍ 166 കോടി രൂപയാണ് ആരോഗ്യമേഖലയ്ക്ക് അനുവദിച്ചതെങ്കില്‍ യു.ഡി.എഫ് 2015-16 ല്‍ 665 കോടി രൂപ അതായത്, നാലിരട്ടിയാണ് അനുവദിച്ചത്.കേരളം ആരോഗ്യരംഗത്ത് ഇപ്പോള്‍ ഒന്നാമത് ആണെങ്കിലും അത് യു.ഡി.എഫ് കാലത്തേക്കാള്‍ കുറഞ്ഞ സ്‌കോറിലാണെന്നും അദ്ദേഹം പറഞ്ഞു.

കൊവിഡ് പ്രതിരോധം ചര്‍ച്ചചെയ്യാന്‍ സര്‍ക്കാര്‍ വിളിച്ച സര്‍വകക്ഷി യോഗത്തിലും ജനപ്രതിനിധികളുടെ യോഗത്തിലും യു.ഡി.എഫ് പങ്കെടുക്കുമെന്നും അദ്ദേഹം കൂട്ടിച്ചേര്‍ത്തു.