കൊച്ചി: പുതിയ പരിശീലകനെ തേടി ബ്ലാസ്റ്റേഴ്‌സ് ഓട്ടം തുടങ്ങി. ഐ.എസ്.എല്ലിലെ പരാജയ പരമ്പരകള്‍ക്ക് ശേഷം സൂപ്പര്‍ കപ്പില്‍ തുടങ്ങാന്‍ പോലുമാവാതെയാണ് കേരള ബ്ലാസ്റ്റേഴ്‌സ് സീസണ്‍ അവസാനിപ്പിച്ചത്. ജെയിംസിന് പകരക്കാരനായി വന്ന നെലോ വിംഗാഡക്കും കാര്യമായ മാറ്റങ്ങളൊന്നും ടീമില്‍ വരുത്താന്‍ സാധിച്ചില്ല. ഇതിനെ തുടര്‍ന്നാണ് പുതിയ പരിശീലകനെ തേടാന്‍ മാനേജ്‌മെന്റ് തയാറാകുന്നത്. ബ്ലാസ്റ്റേഴ്‌സിന്റെ ഏറ്റവും മോശം പ്രകടനത്തിലൊന്നായിരുന്നു കഴിഞ്ഞ സീസണിലേത്. പരാജയത്തിന്റെ ദുഃഖം മറച്ച് പുതിയ സീസണ് തയാറെടുക്കുകയാണ് ബ്ലാസ്റ്റേഴ്‌സ്. ഇതിനായുള്ള ശ്രമങ്ങളും മാനേജ്‌മെന്റിന്റെ ഭാഗത്തുനിന്ന് തുടങ്ങിയിട്ടുണ്ട്. പുതിയ പരിശീലകനായി ഇംഗ്ല@ണ്ടിന്റെ മുന്‍ കോച്ച് കൂടിയായ ഫില്‍ ബ്രൗണിനെ കൊണ്ട@ു വന്നേക്കുമെന്ന് റിപ്പോര്‍ട്ടുകളു@ണ്ട്. ടീം മാനേജ്‌മെന്റ് ഇതുമായി ബന്ധപ്പെട്ട് ബ്രൗണുമായി ചര്‍ച്ചകള്‍ നടത്തിയതായാണ് വിവരം. ഐ.എസ്.എല്ലിന്റെ ഈ സീസണില്‍ പൂനെ സിറ്റിയുടെ പരിശീലകനായിരുന്നു ബ്രൗണ്‍. സീസണിന്റെ തുടക്കത്തില്‍ തപ്പിത്തടഞ്ഞ പൂനെ അവസാന ആറു മത്സരങ്ങള്‍ക്കു മുമ്പാണ് ബ്രൗണിനെ കോച്ചായി നിയമിച്ചത്. അദ്ദേഹം ചുമതലയേറ്റ ശേഷം പൂനെ മികച്ച പ്രകടനവും നടത്തിയിരുന്നു. ഇതേ തുടര്‍ന്നാണ് ബ്ലാസ്റ്റേഴ്‌സിനെ രക്ഷിക്കുകയെന്ന ലക്ഷ്യത്തോടെ ബ്രൗണിനെ പരിശീലകസ്ഥാനത്തേക്കു പരിഗണിക്കുന്നത്. പരിശീലകന് പുറമെ പുതിയ താരങ്ങളേയും അടുത്ത സീസണില്‍ ബ്ലാസ്റ്റേഴ്‌സ് ക്ലബിലെത്തിക്കും. മോശം പ്രകടനം നടത്തിയ താരങ്ങളെ റിലീസ് ചെയ്യുന്ന കാര്യത്തെ കുറിച്ചും മാനേജ്‌മെന്റ് ഗൗരവമായി ചര്‍ച്ച ചെയ്യുന്നുണ്ട്.