ഡല്‍ഹി: ലോക്ഡൗണ്‍ ലംഘിച്ച് ബി.ജെ.പി എം.പിയും ന്യൂഡല്‍ഹി അധ്യക്ഷനുമായ മനോജ് തിവാരിയുടെ ക്രിക്കറ്റ് കളി. ഹരിയാനയിലെ സോനിപത്തിലെ സ്വകാര്യ സ്റ്റേഡിയത്തിലാണ് സാമൂഹിക അകലം പാലിക്കാതെ എം.പി ക്രിക്കറ്റ് മാച്ച് സംഘടിപ്പിച്ചത്. മാസ്‌ക് ധരിക്കണമെന്ന നിര്‍ദ്ദേശവും അദ്ദേഹം പാലിച്ചിരുന്നില്ല.

ഇതിന്റെ വീഡിയോ ദൃശ്യങ്ങളടക്കം പുറത്ത് വന്നതോടെ സമൂഹ മാധ്യമങ്ങളില്‍ എം.പിക്കെതിരെ കടുത്ത വിമര്‍ശനമാണ് ഉയരുന്നത്.എന്നാല്‍ മാനദണ്ഡങ്ങള്‍ പാലിച്ചാണ് ക്രിക്കറ്റ് കളി സംഘടിപ്പിച്ചെതെന്ന് സംഘാടകര്‍ നല്‍കുന്ന വിശദീകരണം.

കൊവിഡ് രോഗികളുടെ എണ്ണം രാജ്യത്ത് ദിനംപ്രതി വര്‍ധിക്കുന്ന സാഹചര്യത്തില്‍ സാമൂഹിക അകലം പാലിക്കണമെന്നും മാസ്‌ക്ക് ധരിക്കണമെന്നുമുള്ള നിര്‍ദ്ദേശങ്ങള്‍ കാറ്റില്‍ പറത്തുന്നതാണ് ബി.ജെ.പി എംപിയുടെ നടപടി.