കോഴിക്കോട്: ഇടിയങ്ങര ശൈഖ് പള്ളിയിലെ 460-ാം അപ്പവാണിഭ നേര്‍ച്ചക്ക് ഇന്ന് രാവിലെ ഒന്‍പതിന് കെ. ആലിക്കുട്ടി മുസ്‌ലിയാര്‍ കൊടിയുയര്‍ത്തും. അതോടെ പ്രധാന പരിപാടികള്‍ക്ക് തുടക്കമാകും. ചേലക്കാട് മുഹമ്മദ് മുസ്‌ലിയാര്‍ ഓത്തിടല്‍ കര്‍മം നിര്‍വഹിക്കും.

9.30ന് പണ്ഡിത സംഗമം നടക്കും. സയ്യിദ് ഹൈദരലി ശിഹാബ് തങ്ങള്‍ സംഗമം ഉദ്ഘാടനം ചെയ്യും. മൗലാനാ മൂസക്കുട്ടി ഹസ്രത്ത് അധ്യക്ഷനാകും. പി.കെ.പി അബ്ദുസ്സലാം മുസ്‌ലിയാര്‍ അനുഗ്രഹ പ്രഭാഷണവും എം.ടി അബ്ദുല്ല മുസ്‌ലിയാര്‍ മുഖ്യപ്രഭാഷണവും നടത്തും. മാണിക്കോത്ത് മമ്മു ഹാജി ഒഞ്ചിയം മുഖ്യാതിഥിയാകും.

ഏലംകുളം ഹൈദ്രോസ് മുസ്‌ലിയാര്‍, തഖിയുദ്ദീന്‍ ഹൈതമി, ഡോ. ബഹാഉദ്ദീന്‍ മുഹമ്മദ് നദ്‌വി, കെ.ടി ഹംസ മുസ്‌ലിയാര്‍ വയനാട്, അദൃശ്ശേരി ഹംസക്കുട്ടി മുസ്‌ലിയാര്‍, എന്‍. അബ്ദുല്ല മുസ്‌ലിയാര്‍, മൊയ്തീന്‍ കുട്ടി ഫൈസി, ഖാദര്‍ ഫൈസി കുന്നുമ്പുറം, അബൂബക്കര്‍ ഫൈസി മലയമ്മ, മുജീബ് ഫൈസി പൂലോട്, മുസ്തഫ മുണ്ടുപാറ, കെ. മോയിന്‍കുട്ടി മാസ്റ്റര്‍, എം.സി മായിന്‍ ഹാജി, ചെമ്മുക്കന്‍ കുഞ്ഞാപ്പു ഹാജി, പി.ടി മമ്മദ് കോയ ഹാജി (എവറസ്റ്റ്), മെട്രോ മുഹമ്മദ് ഹാജി, മുക്കം മോയിമോന്‍ ഹാജി, ടി.കെ പരീക്കുട്ടി ഹാജി, അബ്ദുല്‍ ഗഫൂര്‍ ദാരിമി മുണ്ടക്കുളം, മുഹമ്മദ് കുട്ടി ദാരിമി കോടങ്ങാട്, രാമനാട്ടുകര അബുഹാജി എന്നിവര്‍ പങ്കെടുക്കും.

രാത്രി ഏഴിന് നടക്കുന്ന മതപ്രസംഗവും ദിക്ര്‍ ദുആ മജ്‌ലിസും സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്യും. മഅ്മൂന്‍ ഹുദവി വണ്ടൂര്‍ പ്രഭാഷണം നടത്തും. തുടര്‍ന്ന് നടക്കുന്ന ദിക്ര്‍ ദുആ മജ്്‌ലിസിന് മാണിയൂര്‍ അഹ്മദ് മുസ്‌ലിയാര്‍ നേതൃത്വം നല്‍കും.