മോസ്‌കോ: ലോകകപ്പ് ഗ്രൂപ്പ് ഫൈനല്‍ മത്സരത്തില്‍ നൈജീരിയ്‌ക്കെതിരായ അര്‍ജന്റീനയുടെ നാടകീയ വിജയത്തിനൊടുവില്‍ അമിതാവേശം കാണിച്ച ഡീഗോ മറഡോണയെ വിദഗ്ധ ചികിത്സയ്ക്ക് വിധേയനാക്കി.

തളര്‍ന്നവശനായ നിലയിലും മറ്റൊരു ശരീരപ്രകൃതിയിലുമായ നിലയിലായിരുന്നു മറഡോണ. രക്തസമ്മര്‍ദം കുറഞ്ഞതാണ് പ്രശ്‌നത്തിന് കാരണമെന്ന് വൈദ്യസംഘം പറഞ്ഞു. പിന്നീട് പരസഹായമില്ലാതെ ഗ്യാലറിക്ക് പുറത്തുപോയതായും ചികിത്സാ സംഘം അറിയിച്ചു.

അര്‍ജന്റീന രണ്ടാം ഗോള്‍ അടിച്ച് വിജയിച്ചതോടെ ഇരുകൈകളിലെയും നടുവിരലുകള്‍ പൊക്കി കാണിക്കുന്ന വീഡിയോ ദൃശ്യങ്ങള്‍ വൈറലായിരുന്നു. കൂടാതെ, പല ആംഗ്യങ്ങളും ശരീരഭാഷയില്‍ മാറ്റങ്ങളുമുണ്ടായി. ഇതോടെ മറഡോണയെ കൂടെയുള്ളവര്‍ പിടിച്ചുവയ്ക്കുന്നതും ദൃശ്യമായിരുന്നു.