കണ്ണൂര്‍: ഈ വര്‍ഷം സര്‍ക്കാര്‍ മുഖേനയും സ്വകാര്യ ഹജ്ജ് ഗ്രൂപ്പ് മുഖേനയും ഹജ്ജിനു പോകുന്നവര്‍ക്കു സമസ്ത കേരള ജംഇയ്യത്തുല്‍ ഉലമ ജില്ലാകമ്മിറ്റിയുടെ ആഭിമുഖ്യത്തില്‍ നടത്തുന്ന ഹജ്ജ് പഠനക്യാംപിനു നാളെ തുടക്കമാവും. കണ്ണൂര്‍ ജവഹര്‍ ഓഡിറ്റോറിയത്തില്‍ 14 വരെയാണു ക്യാംപ്. നാളെ രാവിലെ 10ന് സമസ്ത കേരള ഇസ്‌ലാംമത വിദ്യാഭ്യാസ ബോര്‍ഡ് പ്രസിഡന്റ് പി.കെ.പി അബ്ദുസലാം മുസ്‌ലിയാര്‍ ഉദ്ഘാടനം ചെയ്യും. സയ്യിദ് എ ഉമര്‍കോയ തങ്ങള്‍ പ്രാര്‍ഥന നടത്തും. സമസ്ത സെക്രട്ടറി പി.പി ഉമര്‍ മുസ്‌ലിയാര്‍ ക്ലാസിനു നേതൃത്വം നല്‍കും. കേന്ദ്ര മുശാവറ അംഗം മാണിയൂര്‍ അഹ്മദ് മുസ്‌ലിയാര്‍ കൂട്ടുപ്രാര്‍ഥനയ്ക്കു നേതൃത്വം നല്‍കും. കേന്ദ്ര മുശാവറ അംഗം കെ.കെ.പി അബ്ദുല്ല മുസ്‌ലിയാര്‍, സയ്യിദ് അസ്‌ലം തങ്ങള്‍ അല്‍മശ്ഹൂര്‍ എന്നിവര്‍ അനുഗ്രഹപ്രഭാഷണം നടത്തും. ടി.എസ് ഇബ്രാഹിം മുസ്‌ലിയാര്‍, കെ.ടി അബ്ദുല്ല മുസ്‌ലിയാര്‍, മാണിയൂര്‍ അബ്ദുറഹിമാന്‍ ഫൈസി, അഞ്ചരക്കണ്ടി അബ്ദുറഹ്മാന്‍ മുസ്‌ലിയാര്‍, ചുഴലി മുഹ്‌യുദ്ദീന്‍ മുസ്‌ലിയാര്‍, കെ.കെ മുഹമ്മദ് ദാരിമി, മുഹമ്മദ് ഷരീഫ് ബാഖവി, അബ്ദുറഹ്മാന്‍ ഹൈത്തമി, അബ്ദുറഹ്മാന്‍ കല്ലായി, പാലത്തായി മൊയ്തുഹാജി, എസ്.കെ ഹംസ ഹാജി, മലയമ്മ അബൂബക്കര്‍ ബാഖവി, കെ.കെ. പി തങ്ങള്‍, സി.എച്ച് അബൂബക്കര്‍ ഹാജി, കെ.കെ മുഹമ്മദ്, അഹ്മദ് തേര്‍ളായി, പി.ടി മുഹമ്മദ്, അബ്ദുസമദ് മുട്ടം, ബഷീര്‍ അസ്അദി, മുഹമ്മദ്ബ്‌നു ആദം പങ്കെടുക്കും.