മനില: കൊവിഡിനെ തുടര്‍ന്ന് അടച്ചിട്ട വിദ്യാലയങ്ങള്‍ ചില രാജ്യങ്ങള്‍ തുറന്നിട്ടുണ്ടെങ്കിലും കൊവിഡിനെതിരായ വാക്‌സിന്‍ കണ്ടുപിടിക്കുംവരെ രാജ്യത്തെ കുട്ടികള്‍ സ്‌കൂളില്‍ പോകരുതെന്ന് ഫിലിപ്പൈന്‍സ് പ്രസിഡന്റ് റോഡ്രിഗോ ദത്തേര്‍തേ. മരുന്ന് ലഭ്യമല്ലാതിരിക്കെ കുട്ടികളെ സ്‌കൂളിലേക്ക് അയക്കുന്നത് വലിയ ദുരന്തം ക്ഷണിച്ചുവരുത്തുമെന്നും അദ്ദേഹം പറഞ്ഞു.
രാജ്യത്ത് 14,319 പേര്‍ക്കാണ് കൊവിഡ് സ്ഥിരീകരിച്ചിരിക്കുന്നത്. ഇതില്‍ 873 പേര്‍ മരിക്കുകയും 3,323 പേര്‍ക്ക് സുഖപ്പെടുകയും ചെയ്തു.
ഫിലിപ്പൈന്‍സില്‍ 2,394 ആരോഗ്യപ്രവര്‍ത്തകരെയും കൊവിഡ് ബാധിച്ചിട്ടുണ്ട്.