അബുദാബി: പ്രവാസ ജീവിതം അവസാനിപ്പിച്ചു നാട്ടിലേക്ക് പോകുന്ന യു എ ഇ exchange പ്രസിഡന്റും യു എ യിലെ സാമൂഹ്യ സാംസ്‌കാരിക രംഗത്തെ നിറ സാനിധ്യവുമായ വൈ സുധീര്‍ കുമാര്‍ ഷെട്ടിക്ക് അബുദാബി പ്രവാസി സമൂഹത്തിന്റെ യാത്രയയ്പ്പ് സമ്മേളനം അബുദാബി യില്‍ നടക്കും.

ഇന്ന് രാത്രി എട്ട് മണിക്ക് അബുദാബി ഇന്ത്യന്‍ ഇസ്ലാമിക് സെന്ററില്‍ നടക്കുന്ന സമ്മേളനത്തില്‍ വിവിധ സംഘടനകളെ പ്രധിനിതീകരിച്ചു പി ബാവ ഹാജി, ഉസ്മാന്‍ കാരപ്പാത്ത്, ഷുക്കൂര്‍ അലി കല്ലിങ്കല്‍, അഡ്വ മുഹമ്മദ് കുഞ്ഞി, ഡോ. അബ്ദുല്‍ റഹിമാന്‍ മൗലവി ഒളവട്ടൂര്‍, അബ്ദുള്‍ റഹൂഫ് അഹ്‌സനി തുടങ്ങിയവര്‍ സംബന്ധിക്കും. ചടങ്ങില്‍ ഐ ഐ സി,കെ എം സി സി, സുന്നി സെന്റര്‍,ഗള്‍ഫ് സത്യധാര എന്നിവയുടെ ഉപഹാര സമര്‍പ്പണം നടത്തുമെന്ന് ട്രഷറര്‍ അബ്ദുള്‍ സലാം ഒഴൂര്‍, അഡ്മിന്‍ സെക്രട്ടറി സാബിര്‍ മാട്ടൂല്‍ എന്നിവര്‍ അറിയിച്ചു.