കാസര്‍കോട്: കാസര്‍കോട് പടന്നയില്‍ നിന്നും ദുരൂഹ സാഹചര്യത്തില്‍ കാണാതായവരില്‍ ഒരാള്‍ കൂടി മരിച്ചതായി അഭ്യൂഹം. പടന്ന വടക്കേപ്പുറത്ത് ടി.കെ മുര്‍ഷിദ് (23) മരിച്ചെന്നു പറഞ്ഞാണ് ബന്ധുക്കള്‍ക്ക് സന്ദേശം ലഭിച്ചിരിക്കുന്നത്.

കഴിഞ്ഞ വര്‍ഷം കേരളത്തില്‍ നിന്നും ദുരൂഹമായ സാഹചര്യത്തില്‍ കാണാതയവര്‍ അഫ്ഗാനിസ്ഥാനിലെ ഐ.എസ് കേന്ദ്രങ്ങളിലേക്കാണ് പോയതെന്നാണ് എന്‍.ഐ.എയുടെ നിഗമനം. ഇദ്ദേഹത്തിന്റെ പിതാവിന് ടെലഗ്രാം ആപ്പ് വഴിയാണ് അഫ്ഗാനിസ്ഥാനില്‍ നിന്നെന്നു കരുതുന്ന സന്ദേശം ലഭിച്ചിരിക്കുന്നത്. എന്നാല്‍ മരണം എന്‍.ഐ.എ സ്ഥിരീകരിച്ചിട്ടില്ല.