മുവാറ്റുപുഴ: കല്ലൂര്‍ക്കാട് സബ് ജില്ലയിലെ പ്രൈമറി അധ്യാപകര്‍ക്കുള്ള അവധിക്കാല അധ്യാപക പരിശീലനം 17 മുതല്‍ ആരംഭിക്കും. ഒന്നു മുതല്‍ നാല് വരെയുള്ള ക്ലാസ്സുകളിലെ അധ്യാപകരുടെ പരിശീലനം എന്‍.എസ്.എസ് എല്‍.പി സ്‌കൂള്‍ കാപ്പില്‍ വച്ചും, യു.പി വിഭാഗം ഇംഗ്ലീഷ്, മലയാളം അധ്യാപകര്‍ക്ക് എസ്.എസ്.എച്ച്.എസ് ആനിക്കാട്, യു.പി സയന്‍സ് ജി.യു.പി.എസ് നോര്‍ത്ത് മാറാടി, യു.പി സോഷ്യല്‍സയന്‍സ് ജി.എച്ച്.എസ്. പേഴയ്ക്കാപ്പിള്ളി, യു.പി ഗണിതം ബി.ആര്‍.സി മുവാറ്റുപുഴ എന്നീ കേന്ദ്രങ്ങളില്‍ വച്ചും നടക്കുന്നതാണ്. ഹിന്ദി അധ്യാപകര്‍ക്കുള്ള പരിശീലനം പിന്നീട് നടക്കും.എല്‍.പി വിഭാഗത്തിന് 17 മുതല്‍ തുടര്‍ച്ചയായി 8 ദിവസത്തെ പരിശീലനവും യു.പി വിഭാഗത്തിന് 4 ദിവസത്തെ വിഷയാടിസ്ഥാനത്തിലുള്ള പരിശീലനവും കൂടാതെ 4 ദിവസത്തെ ഐ.ടി പരിശീലനവുമാണ് ക്രമീകരിച്ചിരിക്കുന്നത്. പരിശീലനസമയം രാവിലെ 9.30 മുതല്‍ 4.30 വരെയാണ്.