നിയോണ്‍: ചാംപ്യന്‍സ് ലീഗ് പ്രീ ക്വാര്‍ട്ടറിലെ വിജയത്തിന് ശേഷം അശ്ലീല ആംഗ്യം കാണിച്ച് ആഹ്ലാദ പ്രകടനം നടത്തിയ യുവന്റസ് താരം ക്രിസ്റ്റ്യാനോ റൊണാള്‍ഡോക്ക് യുവേഫ പിഴ ചുമത്തി. 20,000 യൂറോ (15,62,534 രൂപ)യാണ് പിഴയിട്ടത്. ചാംപ്യന്‍സ് ലീഗ് പ്രീ ക്വാര്‍ട്ടര്‍ ആദ്യ പാദത്തില്‍ അത്‌ലറ്റികോയോട് പരാജയപ്പെട്ട യുവന്റസ് രണ്ടാം പാദത്തില്‍ റൊണാള്‍ഡോ നേടിയ ഹാട്രികിന്റെ ബലത്തില്‍ വിജയിച്ചിരുന്നു. ആദ്യ പാദത്തിലെ വിജയത്തില്‍ അത്‌ലറ്റികോ പരിശീലകന്‍ സിമിയോണി നടത്തിയ അശ്ലീല ആഹ്ലാദ പ്രകടനത്തിന് മറുപടിയായിട്ടായിരുന്നു റൊണാള്‍ഡോയുടെ ആഘോഷം. ഇതിന് ശേഷം സിമിയോണി മാപ്പ് പറയുകയും പിഴ അടക്കുകയും ചെയ്തിരുന്നു.