മേപ്പാടി: റോഡിന് കുറുകെ ചാടിയ മലമാന്‍ ബസിടിച്ച് ചത്തു. കാപ്പംകൊല്ലി 46ല്‍ വെച്ചാണ് മേപ്പാടി ചുണ്ടേല്‍ റൂട്ടില്‍ സര്‍വിസ് നടത്തുന്ന സ്വകാര്യ ബസ് മാനിനെ ഇടിച്ചിട്ടത്. മാന്‍ ഉടന്‍ തന്നെ ചത്തു. ഒരു വയസ് പ്രായം കണക്കാക്കുന്ന ആണ്‍ മാനാണ് ചത്തത്. കോട്ടനാട് എസ്‌റ്റേറ്റിലെ കാപ്പി തോട്ടത്തില്‍ നിന്നാണ് റോട്ടിലേക്ക് ഓടിയെത്തിയത്. ജഡം പൂക്കോട് വെറ്റിനറി കോളജില്‍ പോസ്റ്റ് മോര്‍ട്ടം നടത്തി സംസ്‌കരിച്ചു. മാനിനെ ഇടിച്ചിട്ട വാഹനം വനം വകുപ്പ് കസ്റ്റഡിയിലെടുത്തു.