വടകര: ലോക്‌സഭാ തെരഞ്ഞെടുപ്പിന്റെ പ്രചാരണത്തിന് പേരാമ്പ്ര സി.കെ.ജി കോളേജിലെത്തിയ യു.ഡി.എഫ് സ്ഥാനാര്‍ഥി കെ.മുരളീധരനെ എസ്എഫ്‌ഐക്കാര്‍ തടഞ്ഞു.

മുരളീധരന്‍ കോളേജ് കെട്ടിട്ടത്തിലേക്ക് പ്രവേശിക്കാന്‍ ശ്രമിച്ചപ്പോള്‍ എസ്എഫ്‌ഐ പ്രവര്‍ത്തകര്‍ തടയുകയായിരുന്നു. സംഘര്‍ഷ സാധ്യത കണക്കിലെടുത്ത് മുരളീധരന്‍ കോളജില്‍ പ്രവേശിക്കാതെ തിരിച്ചുമടങ്ങി.

കെട്ടിട്ടത്തിലേക്കുള്ള ഗോവണി പടിയില്‍ ഇരുന്നു കൊണ്ട് എസ്എഫ്‌ഐ പ്രവര്‍ത്തകര്‍ മുദ്രാവാക്യം വിളിച്ചതോടെ നടപടി ചോദ്യം ചെയ്ത് കെ.എസ്.യു,എംഎസ്എഫ് പ്രവര്‍ത്തകരും സംഘടിച്ചെത്തിയതോടെ വാക്കേറ്റമായി.
അക്രമ രാഷ്ട്രീയത്തിന്റെ മറ്റൊരു ഉദാഹരണമാണിതെന്നാണ് കെ മുരളീധരന്‍ പിന്നീട് പ്രതികരിച്ചു.