കൊല്ലം: അമ്മയുടെ ജനറല്‍സെക്രട്ടറി ഇടവേള ബാബുവുമായുള്ള വാടസാപ്പ് സന്ദേശത്തിലുള്ളത് തന്റെ ശബ്ദമാണെന്ന് വൈസ് പ്രസിഡന്റ കെ.ബി ഗണേഷ്‌കുമാര്‍ എം.എല്‍.എ മാധ്യമപ്രവര്‍ത്തകരോട് പറഞ്ഞു. ശബ്ദരേഖ പുറത്തുപോയത് എങ്ങനെയാണെന്ന് അന്വേഷിക്കുമെന്നും അദ്ദേഹം പറഞ്ഞു.

ദിലീപിനെ തിരിച്ചടുക്കാനുള്ള തീരുമാനത്തില്‍ താന്‍ പങ്കാളിയല്ല. മാധ്യമങ്ങള്‍ തന്നെ വേട്ടയാടുകയാണ്. ഇതുകൊണ്ടൊന്നും അമ്മയെ തകര്‍ക്കാമെന്ന് ആരും വ്യാമോഹിക്കേണ്ടെന്നും ഗണേഷ് പറഞ്ഞു.

താരസംഘടനയായ അമ്മയുമായി ബന്ധപ്പെട്ട് പുറത്തുവരുന്ന വാര്‍ത്തകള്‍ രണ്ടുദിവസംകൊണ്ട് അടങ്ങുമെന്നും രാജിവച്ച നടിമാര്‍ അമ്മയോട് ശത്രുത പുലര്‍ത്തുന്നവരാണെന്നും അവര്‍ സ്ഥിരമായി കുഴപ്പങ്ങള്‍ സൃഷ്ടിക്കുന്നവരാണെന്നും ഗണേഷ് പറഞ്ഞതാണ് പുറത്തുവന്നത്.