പാലക്കാട് : ഫിഷറീസ് വകുപ്പ് നടപ്പിലാക്കിവരുന്ന രണ്ടാം മത്സ്യ സമൃദ്ധി പദ്ധതിയുടെ രണ്ടാം വര്‍ഷത്തെ ജില്ലാതല ഉദ്ഘാടനം  തേങ്കുറിശ്ശി പഞ്ചായത്ത് കല്യാണ മണ്ഡപത്തില്‍ കെ.ഡി പ്രസേനന്‍ എം.എല്‍.എ മത്സ്യക്കുഞ്ഞുങ്ങളെ വിതരണം ചെയ്തുകൊണ്ട് ഉദ്ഘാടനം ചെയ്തു. ചടങ്ങില്‍ ഗ്രാമ പഞ്ചായത്ത് പ്രഡിഡന്റ് സി.ഇന്ദിര അദ്ധ്യക്ഷയായി. വൈസ് പ്രസിഡന്റ് ആര്‍.രവീന്ദ്രന്‍ കര്‍ഷകര്‍ക്കുള്ള സബ്‌സിഡി വിതരണം നിര്‍വ്വഹിച്ചു. കുഴല്‍മന്ദം ബ്ലോക്ക് പഞ്ചായത്ത് അംഗം എ.ചന്ദ്രന്‍ മികച്ച കര്‍ഷകരെ ആദരിച്ചു.
തേങ്കുറിശ്ശി ഗ്രാമ പഞ്ചായത്ത് വികസന കാര്യ സ്റ്റാന്റിംഗ് കമ്മിറ്റി ചെയര്‍ പേഴ്‌സണ്‍ കെ.വി.ശാന്ത, ക്ഷേമകാര്യ സ്റ്റാന്റിംഗ് കമ്മിറ്റി ചെയര്‍മാന്‍ എം.വേലായുധന്‍, വിദ്യാഭ്യാസ കാര്യ സ്റ്റാന്റിംഗ് കമ്മിറ്റി ചെയര്‍ പേഴ്‌സണ്‍ എ.റഷീദ, മെമ്പര്‍മാരായ ഉഷാറാണി, ആര്‍.രതീഷ്, മലമ്പുഴ ഫിഷറീസ് ഡെപ്യൂട്ടി ഡയറക്ടര്‍ ഒ.രേണുകാദേവി, അക്വാകള്‍ച്ചര്‍ കോ-ഓര്‍ഡിനേറ്റര്‍ എം.ഹരിദാസ്  പ്രസംഗിച്ചു.