ന്യൂഡല്‍ഹി: കോണ്‍ഗ്രസ്സിന്റെ ഒമ്പതാം സ്ഥാനാര്‍ഥി പട്ടികയിലും വടകരയിലും വയനാടും സ്ഥാനാര്‍ഥികളാരാണെന്നില്ല. ഇരു മണ്ഡലങ്ങളിലേയും സ്ഥാനാര്‍ഥികളെ പ്രഖ്യാപിക്കാതെയാണ് കോണ്‍ഗ്രസ് സ്ഥാനാര്‍ഥി പട്ടിക ഇന്ന് പുറത്തിറക്കിയത്.

രാഹുല്‍ മത്സരിക്കാന്‍ പരിഗണിച്ചിരുന്ന ബംഗളൂരു സൗത്തിലും ശിവഗംഗയിലും സ്ഥാനാര്‍ഥികളെ പ്രഖ്യാപിച്ചു. ശിവഗംഗയില്‍ ചിദംബരവും ബംഗളൂരു സൗത്തില്‍ ബി.കെ ഹരിപ്രസാദുമാണ് കോണ്‍ഗ്രസ്സിനു വേണ്ടി മത്സരിക്കുക.

രാഹുല്‍ ഗാന്ധി വയനാട്ടില്‍ മത്സരിക്കുമെന്ന ചര്‍ച്ചകള്‍ സജീവമാകുമ്പോഴാണ് വടകരയിലും വയനാടും സ്ഥാനാര്‍ഥികളെ പ്രഖ്യാപിക്കാതെ കോണ്‍ഗ്രസ്സിന്റെ സ്ഥാനാര്‍ഥി പട്ടിക പുറത്തിറങ്ങുന്നത്.