ചെങ്ങന്നൂര്‍: കലാലയങ്ങളില്‍ വര്‍ദ്ധിച്ചുവരുന്ന റാഗിംഗിനെതിരെ എ.ഐ.എസ്.എഫ് ചെങ്ങന്നൂര്‍ ക്രിസ്ത്യന്‍ കോളേജ് യൂണിറ്റ് ഒപ്പുശേഖരണം നടത്തി. 'ആദ്യം നീ പഠിക്കുക, പിന്നീട് നീ പോരാടുക' എന്ന മുദ്രാവാക്യമുയര്‍ത്തി കേരളത്തിലെ ക്യാമ്പസുകളില്‍ സംഘടന നടത്തുന്ന ക്യാംപയിന്റെ ഭാഗമായിട്ടാണ് ഒപ്പുശേഖരണം നടത്തിയത്. നവാഗതരായി കോളേജില്‍ എത്തിയ വിദ്യാര്‍ഥികള്‍ക്ക് മധുരം നല്‍കി സ്വീകരിച്ചു. എ.ഐ.എസ്.എഫ് നേതാക്കളായ അസ്ലാം ഷാ, അനന്ദു, മനു മാത്യു, മനീഷ് പിള്ള, എബിന്‍ ലിബിന്‍, ടെയിസണ്‍, ജുബിന്‍ എന്നിവര്‍ നേതൃത്വം നല്‍കി. സി.പി.ഐ നേതാക്കന്മാരായ പി.ആര്‍.പ്രദീപ് കുമാര്‍, ഷാജി ജോര്‍ജ്ജ്, ബിനോയി.കെ.സാം, സന്തോഷ് കടകംപള്ളി, സന്തോഷ് ഗോപാലന്‍, അജിത് എന്നിവര്‍ പങ്കെടുത്തു.