പള്ളിക്കല്‍: പള്ളിക്കല്‍ ഗ്രാമ പഞ്ചായത്തിന്റെ ആഭിമുഖ്യത്തില്‍ സംഘടിപ്പിച്ച എല്‍.എസ്.എസ്, യു.എസ്.എസ്, എസ്.എസ്.എല്‍.സി, പ്ലസ്.ടു പരീക്ഷകളില്‍ ഉന്നത വിജയം നേടിയ പ്രതിഭകളെ ആദരിക്കല്‍ ചടങ്ങ് കാലിക്കറ്റ് സര്‍വകലാശാലാ വൈസ് ചാന്‍സിലര്‍ ഡോ. കെ മുഹമ്മദ് ബഷീര്‍ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് പി. മിഥുന അധ്യക്ഷയായി. ജില്ലാ പഞ്ചായത്തംഗം എ.കെ അബ്ദുറഹിമാന്‍, ബ്ലോക്ക് പഞ്ചായത്തംഗം ബാബു, ഗ്രാമപഞ്ചായത്ത് വൈസ് പ്രസിഡന്റ് ജസീനാ ലത്തീഫ്, സ്റ്റാന്റിംഗ് കമ്മിറ്റി ചെയര്‍മാന്‍ എം. അബ്ദുല്‍ കാദര്‍, ചെയര്‍ പേഴ്‌സണ്‍മാരായ കെ. ഖൈറാബി, ബുഷറ തോട്ടശ്ശേരി,കെ. അബൂബക്കര്‍, യു. രാമന്‍കുട്ടി, നാരായണി, ടി. ഷാജു, പി.കെ ഇസ്മായില്‍, കെ. മോഹന്‍ദാസ് ജാഫര്‍ സ്വാദിഖ് സംസാരിച്ചു.