ശിവഗംഗ: തമിഴ്‌നാട്ടില്‍ ജല്ലിക്കെട്ട് മത്സരത്തിനിടെ രണ്ടു പേര്‍ മരിച്ചു. 80ഓളം പേര്‍ക്ക് പരുക്കേല്‍ക്കുകയും ചെയ്തിട്ടുണ്ട്. ശിവഗംഗ ജില്ലയില്‍ നടന്ന മത്സരത്തിനിടയിലായിരുന്നു ദുരന്തം. കാളയുടെ കുത്തേറ്റാണ് ഒരാള്‍ മരിച്ചതെങ്കില്‍ മറ്റൊരാള്‍ ഹൃദയാഘാതം മൂലമാണ് മരിച്ചത്. കാണികളിലൊരാളായ 32കാരനാണ് മരിച്ചത്. ഇയാള്‍ എന്‍ജിനീയറിങ് ബിരുദധാരിയാണെന്ന് പൊലിസ് അറിയിച്ചു. മത്സരവേദിക്ക് പുറത്ത് സ്ഥാപിച്ച ബാരിക്കേഡിലേക്ക് കാള കുതിച്ചുവരുന്നതുകണ്ട് ഹൃദയാഘാതം സംഭവിക്കുകയായിരുന്നു. വിജയികളെ തെറ്റായി അനൗണ്‍സ് ചെയ്തുവെന്നാരോപിച്ച് മത്സരത്തില്‍ പങ്കെടുക്കാനെത്തിയ രണ്ട് ഗ്രൂപ്പുകള്‍ തമ്മിലുണ്ടായ തര്‍ക്കത്തില്‍ അഞ്ചുപേര്‍ക്ക് പരുക്കേല്‍ക്കുകയും ചെയ്തിട്ടുണ്ട്.