കോഴിക്കോട്: ത്വയ്ക്വാണ്ടോ ദക്ഷിണ മേഖലാ ചാംപ്യന്‍ഷിപ്പിന് തുടര്‍ച്ചയായി മൂന്നാം തവണയും കോഴിക്കോട് ആതിഥ്യമരുളുന്നു. ആറാമത് ചാംപ്യന്‍ഷിപ്പ് നാളെ മുതല്‍23 വരെ ക്യഷ്ണമേനോന്‍ ഇന്‍ഡോര്‍ സ്റ്റേഡിയത്തില്‍ നടക്കും. ആതിഥേയ താരങ്ങളെ കൂടാതെ തെലങ്കാന, ആന്ധ്രാപ്രദേശ്, തമിഴ്‌നാട്, പോണ്ടിച്ചേരി, കര്‍ണാടക എന്നിവിടങ്ങളില്‍ നിന്നായി ആയിരത്തോളം താരങ്ങളും 150ഓളം ഒഫിഷ്യലുകളും പങ്കെടുക്കും.
നാളെ വൈകിട്ട് അഞ്ചിന് മന്ത്രി കടന്നപ്പള്ളി രാമചന്ദ്രന്‍ ഉദ്ഘാടനം നിര്‍വഹിക്കും. എംഎല്‍എ മാരായ കെ മുരളീധരന്‍, എ പ്രദീപ് കുമാര്‍, പുരുഷന്‍ കടലുണ്ടി മറ്റു പ്രമുഖര്‍ പങ്കെടുക്കും. വാര്‍ത്താ സമ്മേളനത്തില്‍ അസോസിയേഷന്‍ സെക്രട്ടറി ബി അജി, എ മൂസ ഹാജി, കമാല്‍ വരദൂര്‍, എം ഹാരിസ്, പി.സി ഗോപിനാഥ് പങ്കെടുത്തു.