ദമാം: കൊവിഡ് പ്രതിസന്ധി മൂലം നാട്ടിലേക്ക് മടങ്ങുന്ന പ്രവാസികളെ സഹായിക്കാൻ ഇന്ത്യൻ സോഷ്യൽ ഫോറം കേരള ഘടകം ഏർപ്പെടുത്തിയ ‘നാട്ടിലേക്കൊരു വിമാന ടിക്കറ്റ്’ പദ്ധതിയുടെ വിതരണോദ്‌ഘാടനം സോഷ്യൽ ഫോറം കേരള സ്‌റ്റേറ്റ് സെക്രട്ടറി മൻസൂർ എടക്കാട് നിർവ്വഹിച്ചു.ദമാമിൽ നിന്ന് ഗോ എയർ വിമാനത്തിൽ യാത്ര ചെയ്യുന്ന വയനാട് സ്വദേശിക്കാണ് ആദ്യ ടിക്കറ്റ് കൈമാറിയത്. കൊവിഡ് കാലത്ത് പ്രവാസികളിൽ ഏറെ ദുരിതമനുഭവിക്കുന്നവരെ കണ്ടെത്തി സഹായിക്കുന്ന ഈ പദ്ധതി നിരവധി പേർക്കാണ് ആശ്വാസകരമായിരിക്കുന്നത്. ചടങ്ങിൽ ഇന്ത്യൻ സോഷ്യൽ ഫോറം സെൻട്രൽ കമ്മിറ്റി അംഗം നമീർ ചെറുവാടി സംബന്ധിച്ചു.