മേപ്പാടി: കനത്ത ചൂടിന് ആശ്വാസമായി സൗജന്യമായുള്ള സംഭാര വിതരണം.
പുത്തൂര്‍വയല്‍ മഹാത്മ ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബിന്റെ നേതൃത്വത്തിലാണ് പുത്തൂര്‍വയല്‍ ബാങ്ക് ജങ്ഷനില്‍ സൗജന്യമായി സംഭാരവിതരണം നടത്തുന്നത്. വാഹന യാത്രക്കാര്‍ക്ക് അടക്കം സംഭാര വിതരണം ഏറെ ആശ്വാസകരമാവുകയാണ്. സംഭാരത്തിന് പുറമെ മറ്റു പാനീയങ്ങളും ക്ലബ് സൗജന്യമായി വിതരണം ചെയ്യുന്നുണ്ട്. ഒരാഴ്ച്ച മുന്‍പാണ് പുത്തൂര്‍വയല്‍ മഹാത്മ ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബിന്റെ നേതൃത്വത്തിലാണ് പുത്തൂര്‍വയല്‍ ബാങ്ക് ജങ്ഷനില്‍ കുടിവെള്ള വിതരണം ആരംഭിച്ചത്. ആദ്യം ശുദ്ധമായ തണുത്ത വെള്ളമാണ് വിതരണം ചെയ്തത്. ഇതര സംസ്ഥാന തൊഴിലാളികള്‍ അടക്കം വെള്ളം കുടിക്കാന്‍ എത്തിയതോടെ ക്ലബ് പ്രവര്‍ത്തകര്‍ സംഭാരം അടക്കമുള്ള ശീതളപാനീയങ്ങള്‍ വിതരണം ചെയ്യാന്‍ തീരുമാനിക്കുകയായിരുന്നു. കനത്ത ചൂടിനിടയില്‍ ഏറെ ആശ്വാസകരമാവുകയാണ് ഈ മാതൃകാ പ്രര്‍ത്തനം. മണ്‍ കൂജയിലായതിനാല്‍ സതാസമയവും വെള്ളത്തിന് നല്ല തണുപ്പുമായിരിക്കും വാഹന യാത്രികര്‍ക്കടക്കം വലിയ ആശ്വാസമാവുകയാണ് ഈ പ്രവര്‍ത്തി.