നീലേശ്വരം: ഔദ്യോഗിക കൃത്യനിര്‍വഹണത്തിനെത്തിയ സിവില്‍ എക്‌സൈസ് ഓഫിസര്‍മാരെ മദ്യലഹരിയില്‍ മര്‍ദിക്കുകയും അസഭ്യം പറയുകയും ചെയ്തുവെന്ന പരാതിയില്‍ ഹൊസ്ദുര്‍ഗ് പൊലിസ് കേസ് എടുത്തു.
ജില്ലാ സഹകരണ ബാങ്ക് പള്ളിക്കര ശാഖയിലെ സെക്യൂരിറ്റി ജീവനക്കാരന്‍ പുതുക്കൈയിലെ പ്രകാശനെതിരേയാണു കേസ്. റെയ്ഞ്ച് എക്‌സൈസ് ഇന്‍സ്‌പെക്ടര്‍ എന്‍ മഹേശന്റെ പരാതിയിലാണു കേസ്. 16നു രാത്രി പുതുക്കൈയില്‍ പട്രോളിങ്ങിനെത്തിയ നീലേശ്വരം എക്‌സൈസ് റേഞ്ച് ഓഫിസിലെ സിവില്‍ എക്‌സൈസ് ഓഫിസര്‍മാരായ പി.കെ ബാബുരാജന്‍, കെ മഹേഷ് എന്നിവരെ കൈയേറ്റം ചെയ്തുവെന്നാണു പരാതി.
ജാമ്യമില്ലാ വകുപ്പു പ്രകാരം കേസ് എടുത്തെങ്കിലും രാഷ്ട്രീയ ഇടപെടലിനെ തുടര്‍ന്നു അറസ്റ്റ് വൈകുകയാണെന്നും ആരോപണമുണ്ട്.