തിരുവനന്തപുരം: വാമനപുരത്ത് വീട്ടമ്മയെ പീഡിപ്പിക്കാൻ ശ്രമിച്ച കേസിലെ പ്രതിയെ പൊലിസ് പിടികൂടി. ഫെബ്രുവരി 11-ന് നടന്ന സംഭവത്തിൽ അയിലം സ്വദേശിയായ അജേഷിനെയാണ് (45) വെഞ്ഞാറമൂട് പൊലിസ് അറസ്റ്റ് ചെയ്തത്.

വീട്ടിൽ തേങ്ങയിടാൻ എത്തിയതായിരുന്നു അജേഷ്. ഈ സമയം വീട്ടിൽ മറ്റാരും ഇല്ലെന്ന് മനസ്സിലാക്കിയ പ്രതി വീടിനുള്ളിൽ അതിക്രമിച്ച് കയറി വീട്ടമ്മയെ പീഡിപ്പിക്കാൻ ശ്രമിക്കുകയായിരുന്നു. വീട്ടമ്മ ബഹളം വെച്ച് കുതറിമാറി പുറത്തേക്ക് ഓടി അയൽക്കാരെ വിവരമറിയിച്ചു. ഇതോടെ പിടിക്കപ്പെടുമെന്ന് ഉറപ്പായ പ്രതി സ്ഥലത്തുനിന്ന് ഓടി രക്ഷപ്പെട്ടു.

ALSO READ: 'കേരള സ്റ്റോറി 2' ഉടനെ തിയേറ്ററുകളിലില്ല; ഹരജിക്കാരുടെ വാദം സത്യസന്ധമെന്ന് നിരീക്ഷണം; റിലീസ് വിലക്കി ഹൈക്കോടതി ഉത്തരവ്

വീട്ടമ്മയുടെ പരാതിയെത്തുടർന്ന് വെഞ്ഞാറമൂട് എസ്.എച്ച്.ഒ ആസാദ് അബ്ദുൽ കലാമിന്റെ നേതൃത്വത്തിലുള്ള പൊലിസ് സംഘം അന്വേഷണം ആരംഭിക്കുകയും ഒളിവിൽ കഴിഞ്ഞിരുന്ന പ്രതിയെ പിടികൂടുകയും ചെയ്തു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. 

 A 45-year-old man, Ajesh, has been arrested by Venjaramoodu police for allegedly attempting to molest a housewife in Vamanapuram, Kerala. The incident occurred on February 11, and Ajesh, a resident of Ayilam, was caught by the police