പാലക്കാട്: കെഎസ്‌യു പ്രവർത്തകരുടെ ആക്രണത്തിൽ ആരോഗ്യമന്ത്രി വീണാ ജോർജിന് പരുക്കേറ്റെന്ന വാർത്തകളോട് പ്രതികരിച്ച് പാലക്കാട് എംഎൽഎ രാഹുൽ മാങ്കൂട്ടത്തിൽ. സർക്കാരിനെ പരിഹസിച്ചും ചില ചോദ്യങ്ങൾ ഉന്നയിച്ചുമാണ് അദ്ദേഹം രംഗത്തെത്തിയത്.

ഒരു കുഞ്ഞു മുറിവ് മന്ത്രിക്ക് ഇത്രയും വേദനിച്ചുവെങ്കിൽ, സർക്കാർ ആശുപത്രിയിലെ ചികിത്സാ പിഴവ് മൂലം കൈ മുറിച്ചുമാറ്റേണ്ടി വന്ന വിനോദിനി എത്രത്തോളം വേദനിച്ചിട്ടുണ്ടാകുമെന്ന് രാഹുൽ ചോദിച്ചു.

പ്രതിഷേധത്തിന്റെ വീഡിയോ സോഷ്യൽ മീഡിയയിൽ പങ്കുവെച്ചുകൊണ്ടാണ് രാഹുൽ തന്റെ നിലപാട് വ്യക്തമാക്കിയത്. മാത്രമല്ല, മന്ത്രിക്കെങ്ങനെയാണ് പരുക്കേറ്റതെന്ന് പൊലിസും, ആ പരുക്കിന്റെ ഗൗരവം എത്രത്തോളമുണ്ടെന്ന് ആരോഗ്യവകുപ്പും കൃത്യമായി അന്വേഷിക്കണമെന്നും രാഹുൽ ആവശ്യപ്പെട്ടു.

ALSO READ: വീണാ ജോർജിനെതിരായ കരിങ്കൊടി പ്രതിഷേധം; കെഎസ്‌യു കണ്ണൂർ ജില്ലാ പ്രസിഡന്‍റ് അടക്കം അഞ്ച് പേർ അറസ്റ്റിൽ

ഇന്ന് ഉച്ചയ്ക്ക് ശേഷമാണ് കെഎസ്‌യു പ്രതിഷേധത്തിനിടെ ആരോഗ്യ മന്ത്രി വീണ ജോർജിന് പരിക്കേൽക്കുന്നത്. കണ്ണൂർ റെയിൽവേ സ്റ്റേഷനിൽ വെച്ചാണ് കെഎസ്‌യു പ്രവർത്തകർ ആരോഗ്യ മന്ത്രിക്കെതിരെ കരിങ്കൊടി പ്രതിഷേധവുമായി രംഗത്തെത്തിയത്. ഇതിനിടെ മന്ത്രിയ്ക്ക് കഴുത്തിന് പരുക്കേറ്റു.

കണ്ണൂരിൽ നിന്നും, തിരുവനന്തപുരത്തേക്ക് പോവുന്നതിനിടെയാണ് റെയിൽവേ സ്റ്റേഷനിൽവെച്ച് മന്ത്രിക്ക് നേരെ പ്രതിഷേധമുണ്ടായത്. സ്‌പീക്കർ എഎൻ ഷംസീർ ഉൾപ്പെടെയുള്ളവർ മന്ത്രിക്കൊപ്പമുണ്ടായിരുന്നു. കണ്ണൂർ റെയിൽവേ സ്റ്റേഷനിലെത്തുന്നതിന് മുൻപായി രണ്ട് തവണ മന്ത്രിക്കെതിരെ കരിങ്കൊടി പ്രതിഷേധമുണ്ടായി. യൂത്ത് ലീഗ് പ്രവർത്തകർ മന്ത്രിയെ വഴിയിൽ തടഞ്ഞിരുന്നു. പിന്നാലെയാണ് റെയിൽവ സ്റ്റേഷനിലെ ഒന്നാം പ്ലാറ്റ്ഫോമിലേക്ക് നടക്കുന്നതിനിടെ കെഎസ്‌യു പ്രതിഷേധവുമായി എത്തിയത്.

Palakkad MLA Rahul Mamkootathil has criticized the government over the attack on Health Minister Veena George by KSU workers in Kannur. He questioned the government's priorities, pointing to the poor state of healthcare in the state, particularly the Palakkad district hospital where a young girl lost her hand due to alleged medical negligence.