നീലേശ്വരം: പുതിയ റേഷന്‍ കാര്‍ഡ് അപേക്ഷ നല്‍കുന്നതിനു വേണ്ടി നീലേശ്വരം നഗരസഭയില്‍ ഇന്നലെ രാവിലെ തന്നെ കനത്ത തിരക്ക് അനുഭവപ്പെട്ടു.
പുതുതായി അംഗങ്ങളെ ചേര്‍ക്കല്‍, നിലവിലെ കാര്‍ഡിലുള്ള തിരുത്ത്, മറ്റ് തെറ്റ് തിരുത്തല്‍ എന്നിവക്കുള്ള അപേക്ഷകളാണ് നഗരസഭ അനക്‌സ് ഹാളില്‍ സ്വീകരിച്ചു തുടങ്ങിയത്. രാവിലെ തന്നെ ഉപഭോക്താക്കളാടെ നീണ്ട നിര ഹാളില്‍ അനുഭവപ്പെട്ടു. തിരക്ക് നിയന്ത്രിക്കാന്‍ നഗരസഭ കൗണ്‍സിലര്‍മാരും രംഗത്തുണ്ടായിരുന്നു.
അടുത്ത ദിവസങ്ങളില്‍ ഹൊദുര്‍ഗ് താലൂക്ക് പരിധിയിലെ ഓരോ പഞ്ചായത്തുകളിലും അപേക്ഷ സ്വീകരിച്ചു തുടങ്ങും. തിരക്കു കുറക്കാന്‍ ജൂലൈ ഏഴിനു ശേഷം അക്ഷയ കേന്ദ്രങ്ങങ്ങള്‍ മുഖേന അപേക്ഷകള്‍ സ്വീകരിച്ചു തുടങ്ങും.