അമരാവതി: വൈ.എസ്.ആര്‍ കോണ്‍ഗ്രസ് സ്ഥാപകന്‍ വൈ.എസ് ജഗന്‍മോഹന്‍ റെഡ്ഡിയുടെ അമ്മാവനായ വൈ.എസ് വിവേകാനന്ദ റെഡ്ഡിയുടെ കൊലപാതകവുമായി ബന്ധപ്പെട്ട് മൂന്നുപേരെ കഡപ്പ പൊലിസ് അറസ്റ്റ് ചെയ്തു.
അദ്ദേഹത്തിന്റെ പ്രധാന സഹായി ഇ ഗംഗി റെഡ്ഡി, പേഴ്‌സനല്‍ സെക്രട്ടറി കൃഷ്ണ റെഡ്ഡി, വീട്ടുവേലക്കാരിയുടെ മകന്‍ പ്രകാശ് റെഡ്ഡി എന്നിവരെയാണ് തെളിവുകള്‍ നശിപ്പിച്ചതിനും പൊലിസിനെ തെറ്റിദ്ധരിപ്പിച്ചതിനും അറസ്റ്റ് ചെയ്തത്.
മാര്‍ച്ച് 15ന് പുലിവെന്തുലയിലെ വീട്ടിലെ കുളിമുറിയില്‍ വിവേകാനന്ദ റെഡ്ഡിയെ കൊല്ലപ്പെട്ട നിലയില്‍ കണ്ടെത്തുകയായിരുന്നു.

തനിക്ക് പേഴ്‌സനല്‍ സെക്രട്ടറിയില്‍നിന്നു ഭീഷണിയുണ്ടെന്ന് റെഡ്ഡി എഴുതിവച്ചിരുന്നുവെന്ന് ഡി.എസ്.പി നാഗരാജ് പറഞ്ഞു.