ഹൈദരാബാദ്: ബാബരി മസ്ജിദ് തകര്‍ത്ത സംഭവം ഗാന്ധി വധത്തേക്കാള്‍ ഗൗരവമാണെന്ന് ആള്‍ ഇന്ത്യ മജ്‌ലിസെ ഇത്തിഹാദുല്‍ മുസ്‌ലിമിന്‍ നേതാവ് അസദുദ്ദീന്‍ ഉവൈസി.

ഗാന്ധി വധത്തിലെ പ്രതികളുടെ വിചാരണ രണ്ടുവര്‍ഷം കൊണ്ടു പൂര്‍ത്തിയായി. എന്നാല്‍ ബാബരി മസ്ജിദ് തകര്‍ത്ത സംഭവത്തില്‍ ഇതുവരേയും വിചാരണ ഇഴഞ്ഞുനീങ്ങുകയാണ്.

ഗാന്ധിയെ കൊന്നവരെ തൂക്കിലേറ്റി, എന്നാല്‍ ബാബരി മസ്ജിദ് തകര്‍ത്തവര്‍ ഇന്നു കേന്ദ്രമന്ത്രിമാരും പത്മവിഭൂഷന്‍ നേടിയവരുമായി. നീതിന്യായ വ്യവസ്ഥ ഇഴഞ്ഞു നീങ്ങുകയാണെന്നും ഉവൈസി ട്വീറ്റ് ചെയ്തു.

കോടതി വിധിയുടെ പശ്ചാത്തലത്തില്‍ കല്യാണ്‍ സിങ്ങിനെ രാജസ്ഥാന്‍ ഗവര്‍ണര്‍ പദവിയില്‍നിന്ന് നീക്കണം. കല്യാണ്‍ സിങ് വിചാരണ നേരിടണമെന്നും നീതിന്യായ വ്യവസ്ഥയോട് കേന്ദ്രസര്‍ക്കാര്‍ ബഹുമാനം കാണിക്കണമെന്നും ഉവൈസി ട്വീറ്റ് ചെയ്തു.