മലയിന്‍കീഴ്: കാവിന്‍പുറം ശുദ്ധജല പദ്ധതി,  തേവുപാറ ശുദ്ധജല പദ്ധതി ... മലയോര മേഖലയില്‍ ജലവിതരണ പദ്ധതികള്‍ക്ക് കുറവൊന്നുമില്ല. പക്ഷേ, ഇവിടുള്ളവര്‍ക്ക് കുടിവെള്ളം ഇപ്പോഴും കിട്ടാക്കനിയാണ്. പലയിടങ്ങളിലും ആഴ്ചയില്‍ ഒരിക്കല്‍ പോലും പൈപ്പ് വെള്ളം ലഭിക്കാത്ത സ്ഥിതിയാണ്.
ഉയര്‍ന്ന പ്രദേശങ്ങളായ ആനപ്പാറ, എള്ളുവിള, തച്ചോട്ടുകുന്ന്, തറട്ടവിള, ചിറ്റിയൂര്‍ക്കോട്,മൂങ്ങോട്, തേവുപാറ, മാങ്കുന്ന് എന്നീ സ്ഥലങ്ങളില്‍ വെള്ളം കിട്ടിയിട്ട് ആഴ്ചകള്‍ പിന്നിട്ടു.  ബ്ലോക്ക്‌നട, മണിയറവിള, പാലോട്ടുവിള, ശാന്തുമൂല, അന്തിയൂര്‍ക്കോണം, തച്ചോട്ടുകാവ് ,  കരിപ്പൂര്, മഞ്ചാടി എന്നവിടങ്ങളിലും സ്ഥിതി വ്യത്യസ്തമല്ല.  വെള്ളമില്ലാതായതോടെ പഞ്ചായത്തിലെ മിക്ക ഹോട്ടലുകളും  പൂട്ടിയിട്ടിരിക്കുകയാണ്.