കോതമംഗലം: സംസ്ഥാന കാര്‍ഷിക വികസന കര്‍ഷകക്ഷേമ വകുപ്പിന്റെ പ്രവര്‍ത്തനങ്ങള്‍ ജനകീയമാക്കുന്നതിന്റെ ഭാഗമായി കവളങ്ങാട് പഞ്ചായത്തില്‍ ഞാറ്റുവേല ചന്ത സംഘടിപ്പിച്ചു.
നെല്ലിമറ്റം ടൗണില്‍ വച്ച് നടന്ന ചടങ്ങിന്റെ ഉദ്ഘാടനം പഞ്ചായത്ത് പ്രസിഡന്റ് ബീന ബെന്നി നിര്‍വ്വഹിച്ചു. പഞ്ചായത്ത് വൈസ് പ്രസിഡന്റ് എ.ജെ ഉലഹന്നാന്റെ അധ്യക്ഷതയില്‍ നടന്ന യോഗത്തില്‍ സ്റ്റാന്റിംഗ് കമ്മിറ്റി ചെയര്‍മാന്‍ ഷിജി അലക്‌സ്, ബ്ലോക്ക് മെമ്പര്‍ റെയ്ച്ചല്‍ ബേബി, വാര്‍ഡ് മെമ്പര്‍മാരായ വര്‍ഗീസ് അബ്രാഹം, വല്‍സ ജോണ്‍, ജോഷി കുര്യാക്കോസ്, റീന എല്‍ദോ, സൗമ്യ സനല്‍കുമാര്‍, ലിസി ജോയി, ജസ്റ്റിന്‍ ജോസ്, ജാന്‍സി.തോമസ്, കുര്യന്‍ കുര്യന്‍ ,ഷൈല ജോണി,ക്യഷി അസിസ്റ്റന്റുമാരായ വി.കെ ജിന്‍സ്, എം.ആര്‍ രതീഷ് ,എന്നിവര്‍ സംസാരിച്ചു.
ചന്തയോടനുബന്ധിച്ച് പച്ചക്കറി തൈകളുടെ സൗജന്യ വിതരണവും കര്‍ഷകരുടെ ജൈവ പച്ചക്കറികളുടെ വില്‍പനയും, കുടംബശ്രീ അംഗങ്ങളുടെ ഉല്‍പന്നങ്ങളും ചന്തയില്‍ വിപണനം നടത്തി. കൃഷി ഓഫീസര്‍ ഉമാമഹേശ്വരി സ്വാഗതവും അസിസ്റ്റന്റ് കൃഷി ഓഫീസര്‍ കെ.എ. സജി നന്ദിയും പറഞ്ഞു.