തിരുവനന്തപുരം: കഴിഞ്ഞ യു.ഡി.എഫ് ഭരണകാലത്തു മുഖ്യമന്ത്രിയടക്കം മന്ത്രിമാര്‍ 244 വിദേശയാത്രകള്‍ നടത്തിയിട്ടുണ്ടെന്നു മുഖ്യമന്ത്രി പിണറായി വിജയന്‍ നിയമസഭയെ അറിയിച്ചു. ഏറ്റവുമധികം വിദേശയാത്ര നടത്തിയതു ഡോ. എം.കെ മുനീറാണ്. മുനീര്‍ നടത്തിയ 33 വിദേശ യാത്രകളില്‍ 26ഉം സ്വകാര്യയാത്രകളാണ്. 27 യാത്രകള്‍ നടത്തിയ ഷിബു ബേബിജോണാണ് രണ്ടാമത്. പി.കെ കുഞ്ഞാലിക്കുട്ടി 25ഉം കെ.സി ജോസഫ് 20ഉം എ.പി അനില്‍കുമാര്‍ 21ഉം അടൂര്‍ പ്രകാശ്, പി.കെ അബ്ദുറബ്ബ് എന്നിവര്‍ 10 വീതവും കെ.പി മോഹനന്‍ പതിനഞ്ചും തിരുവഞ്ചൂര്‍ രാധാകൃഷ്ണന്‍ പതിനൊന്നും അനൂപ് ജേക്കബ് ഒന്‍പതും രമേശ് ചെന്നിത്തല, ശിവകുമാര്‍ എന്നിവര്‍ ഏഴു വീതവും വിദേശയാത്രകള്‍ നടത്തിയിട്ടുണ്ട്.