പാടൂര്‍: അലീമുല്‍ ഇസ്്‌ലാം ഹയര്‍ സെക്കന്‍ഡറി സ്‌കൂളില്‍ ജൂണ്‍ 19 മുതല്‍ ആരംഭിച്ച വായനാദിന പ്രത്യേക പരിപാടികള്‍ വിവിധങ്ങളായ പരിപാടികളോടെ സമാപിച്ചു.
പുസ്തകങ്ങളുടെ പ്രാധാന്യം വിളിച്ചറിയിക്കന്നതായിരുന്നു ഇന്നത്തെ സ്‌പെഷ്യല്‍ അസംബ്ലി.
എട്ടാം ക്ലാസിലെ വിദ്യാര്‍ഥികള്‍ സ്‌കൂള്‍ മുറ്റത്ത് ബുക്കില്‍ അണിനിരന്നപ്പോള്‍ ഒന്‍പത്, പത്ത് ക്ലാസുകളിലെ കുട്ടികള്‍ അവരുടെ ക്ലാസ് ടീച്ചര്‍ക്ക് ചുറ്റും വലയങ്ങളില്‍ അണിനിരന്നു.
ഇവരുടെ നാലു ഭാഗങ്ങളിലും ഹയര്‍ സെക്കന്‍ഡറി വിദ്യാര്‍ഥികള്‍ അതിര്‍ത്തി സംരക്ഷകരായി നിലകൊണ്ടു. ബുക്കുകള്‍ ഞങ്ങളുടെ കൈകളില്‍ ഭദ്രമാണെന്ന സന്ദേശം എട്ടാം ക്ലാസുകാര്‍ നല്‍കിയപ്പോള്‍ തെരഞ്ഞെടുത്ത കൂട്ടുകാര്‍ക്ക് ബുക്കുകള്‍ പരസ്പരം കൈമാറിക്കൊണ്ട് വായനയുടെ പ്രാധാന്യം ഒന്‍പത്, പത്ത് ക്ലാസുകളിലെ വിദ്യാര്‍ഥികള്‍ എടുത്തുകാട്ടി.
ഹയര്‍ സെക്കന്‍ഡറി വിദ്യാര്‍ഥികള്‍ അണിനിരന്ന വായന വേലിയിലൂടെ വായിക്കുന്ന കൂട്ടുകാര്‍ക്ക് സംരക്ഷകരാകാന്‍ ഞങ്ങളുണ്ട് എന്ന സന്ദേശം നല്‍കി.
തുടര്‍ന്ന് നടന്ന പൊതുയോഗത്തില്‍ വച്ചു വേള്‍ഡ് കപ്പ് ഫുട്ബാള്‍ മത്സരത്തില്‍ കോര്‍ട്ടര്‍ ഫൈനലില്‍ എത്തുന്ന എട്ടു ടീമുകളെ മുന്‍കൂട്ടി പ്രവചിക്കാന്‍ നടത്തിയ മത്സരത്തിലെ വിജയി മുഹമ്മദ് ഷുറയ്ഫിനു സമ്മാനം നല്‍കി.
സമാപന സമ്മേളനം വെങ്കിടങ്ങ് ഗ്രാമപഞ്ചായത്ത് പ്രസിഡന്റ് രതി എം ശങ്കര്‍ ഉദ്ഘാടനം ചെയ്തു. പി.ടി.എ പ്രസിഡന്റ് എ.ടി അബ്ദുല്‍ മജീദ് അധ്യക്ഷനായി.
പ്രിന്‍സിപ്പാള്‍ ക്യാപ്റ്റന്‍ കെ.വി ഫൈസല്‍ സമ്മാനധാനം നിര്‍വഹിച്ചു. അധ്യാപകരായ ഒ.എഫ് ജോസ്, പി.കെ സാഫിര്‍, പി.കെ സാദിഖ് നേതൃത്വം നല്‍കി. സ്റ്റാഫ് സെക്രട്ടറി പി.എം മുഹ്‌സിന്‍, ഹെഡ്മാസ്റ്റര്‍ ടി.സി സെബാസ്റ്റ്യന്‍ സംസാരിച്ചു.