റിയാദ്: കൊവിഡ് ബാധിച്ചു മലയാളി യുവാവ് റിയാദില്‍ മരിച്ചു. മലപ്പുറം തിരൂരങ്ങാടി വെന്നിയൂര്‍ തുറക്കല്‍ റിട്ടയേര്‍ഡ് പൊലീസ് ഉദ്യോഗസ്ഥന്‍ കൊടവണ്ടി അബ്ദുല്‍ ജബ്ബാറിന്റെ മകന്‍ കെ മുഫീദ് (29) ആണ് മരിച്ചത്. അല്‍ ദിരീസ് കമ്പനിയില്‍ സോഫ്ട്‌വെയര്‍ എഞ്ചിനീയറായിരുന്നു. സുലൈമാന്‍ ഹബീബ് ആശുപത്രിയില്‍ തീവ്രപരിചരണ വിഭാഗത്തില്‍ ചികിത്സയിലായിരുന്നു. വിവാഹം കഴിഞ്ഞ് 45 ദിവസത്തിന് ശേഷം ആറുമാസം മുമ്പാണ് റിയാദില്‍ മടങ്ങിയെത്തിയത്.

ഭാര്യ ഫാത്തിമ ബിന്‍സിയ. മാതാവ്: സഫിയ, ജാസിം, മുന്ദിര്‍, മുശറഫ്, ജവാദ് എന്നിവര്‍ സേഹാദരങ്ങളാണ്. മികച്ച ഫുട്‌ബോള്‍ കളിക്കാരനായിരുന്ന മുഫീദ് റിയാദ് കേരള ഇലവന്‍ ഫുട്‌ബോര്‍ ക്ലബ് അംഗമായിരുന്നു. മരണാന്തര നടപടികൾക്കായി കെഎംസിസി മലപ്പുറം ജില്ലാ പ്രവര്‍ത്തകരായ സത്താര്‍ താമസരത്ത്, മൊയ്തീന്‍കുട്ടി തെന്നല എന്നിവരുടെ നേതൃത്വത്തില്‍ നിയമ നടപടി പൂര്‍ത്തിയായി വരുന്നു.