കോഴിക്കോട്: പാസ്‌പോര്‍ട്ട് ഓഫിസോ, വിളിച്ചാല്‍ കിട്ടില്ല. ഇതു നാട്ടുകാരുടെ പൊതുവെയുള്ള പരാതിയായി മാറിയിരിക്കുന്നു. കോഴിക്കോട് പാസ്‌പോര്‍ട്ട് ഓഫിസിനെക്കുറിച്ചാണ് പരാതി. 2768869, 2767789, 2769139 എന്നീ നമ്പറുകളാണ് കോഴിക്കോട് ഓഫിസിനുള്ളത്. ഈ നമ്പറുകളില്‍ വിളിച്ചാല്‍ ചിലത് റിങ്ങ് ചെയ്യും. ചിലത് ബിസിയായിരിക്കും. എത്ര സമയം വിളിച്ചാലും എപ്പോള്‍ വിളിച്ചാലും ഇതേ അവസ്ഥ.  22ന് ശനിയാഴ്ച വിവിധ പാസ്‌പോര്‍ട്ട് സേവാ കേന്ദ്രങ്ങളില്‍ പാസ്‌പോര്‍ട്ട് മേള നടക്കുകയാണ്. ഇതുമായി ബന്ധപ്പെട്ട വിവരങ്ങള്‍ അറിയാന്‍ നിരന്തരം ഓഫിസുമായി ബന്ധപ്പെട്ടപ്പോഴും നിരാശയാണ് ഫലമെന്ന് പരാതിക്കാര്‍ പറഞ്ഞു.