കാക്കനാട്: ഏപ്രില്‍ 26 മുതല്‍ 30 വരെ മുണ്ടംപാലം ഹുദൈബിയ്യ നഗറില്‍ നടക്കുന്ന എസ്.കെ.എസ്.എസ.്എഫ് ജില്ലാ സമ്മേളനമായ മദീനപാഷന്‍ നഗരിയില്‍ ഉയര്‍ത്താനുള്ള പതാക പരിശുദ്ധ മക്കയിലെ ചരിത്രപ്രസിദ്ധമായ ഹുദൈബിയ്യയില്‍ നിന്നും ഇരുപത്തിയഞ്ചാം തീയതി ചൊവ്വാഴ്ച്ച ജില്ലയില്‍ എത്തും.സമസ്ത ജില്ലാ സെക്രട്ടറി എം.എം അബുബക്കര്‍ ഫൈസിയുടെ നേതൃത്വത്തില്‍ പ്രത്യേക പ്രാര്‍ഥനക്ക് ശേഷമാണ് ഹുദൈബിയ്യയില്‍ നിന്നും പതാക ജില്ലയില്‍ എത്തിക്കുന്നത്. ഇരുപത്തിയഞ്ചാം തീയതി രാവിലെ എസ്.കെ.എസ്.എസ.്എഫ്് ജില്ലാ കമ്മിറ്റി നെടുമ്പാശ്ശേരി എയര്‍പോര്‍ട്ടില്‍ വച്ച് ഏറ്റുവാങ്ങും. ഇരുപത്തിയാറാം തീയതി  ചൊവ്വാഴ്ച്ച രാവിലെ സമസ്ത കേന്ദ്ര മുശാവറ അംഗം ഇ.എസ് ഹസ്സന്‍ ഫൈസിയാണ് സമ്മേളന നഗരിയില്‍ പതാക ഉയര്‍ത്തുന്നത്. വൈവിധ്യങ്ങളായ പത്തോളം സെഷനുകള്‍ക്ക് പ്രഗല്‍ഭരായ പണ്ഡിതരും, നേതാക്കളും നേതൃത്വം നല്‍കും. മുപ്പതാം തീയതി വൈകുന്നേരം ഏഴ് മണിക്ക് നടക്കുന്ന ഗ്രാന്റ്ഫിനാലയോട് കൂടിയാണ് മദീനപാഷന് സമാപനം കുറിക്കുന്നത്.