തിരുവനന്തപുരം: ബാറ്റ് (ബീറ്റ എയ്‌സ് ടെക്‌നിക്‌സ്) ട്രിവാന്‍ഡ്രം ടെന്നീസ് ക്ലബുമായി ചേര്‍ന്ന് സംഘടിപ്പിക്കുന്ന ബാറ്റ്- ടി.ടി.സി ഓള്‍ കേരള മിനി ഓപണ്‍ ടെന്നീസ് ടൂര്‍ണ്ണമെന്റിന് ഇന്ന് തുടക്കമാവും. ട്രിവാന്‍ഡ്രം ടെന്നീസ് ക്ലബില്‍ രണ്ട് ദിവസങ്ങളിലായി നടക്കുന്ന ടൂര്‍ണമെന്റില്‍ നൂറ്റിയന്‍പതോളം കുട്ടികള്‍ പങ്കെടുക്കും. അണ്ടര്‍-7, അണ്ടര്‍-9, അണ്ടര്‍- 11 വിഭാഗങ്ങളിലായാണ് മത്സരങ്ങള്‍.
ടൂര്‍ണമെന്റ് ഇന്ന് രാവിലെ ഒന്‍പതിന് തിരുവനന്തപുരം സബ് കലക്ടര്‍ ഡോ. ദിവ്യ എസ് അയ്യര്‍ ഉദ്ഘാടനം ചെയ്യും. ബാറ്റ് (ബീറ്റ എയ്‌സ് ടെക്‌നിക്‌സ്) ചെയര്‍മാന്‍ ജെ രാജ്‌മോഹന്‍ പിള്ള, ട്രിവാന്‍ഡ്രം ടെന്നീസ് ക്ലബ് സെക്രട്ടറി ബിജു ബി സോമന്‍, കേരള ടെന്നീസ് അസോസിയേഷന്‍ പ്രസിഡന്റ് ജേക്കബ് സി കള്ളിവയലില്‍ പങ്കെടുക്കും.