ക്വലാലംപുര്‍: മലേഷ്യന്‍ ഓപ്പണ്‍ ബാഡ്മിന്റണില്‍നിന്ന് സമീര്‍ വര്‍മ പുറത്ത്. ഇന്നലെ നടന്ന മത്സരത്തില്‍ ലാക രണ്ട@ാം റാങ്കുകാരനായ ചൈനയുടെ ഷി യുഖിയാണ് സമീറിനെ പരാജയപ്പെടുത്തിയത്. ഒന്നിനെതിരേ ര@ണ്ടു സെറ്റുകള്‍ക്കായിരുന്നു സമീറിന്റെ തോല്‍വി. സ്‌കോര്‍ 20-22, 23-21, 12-21. ആദ്യ ര@ണ്ട് സെറ്റിലും കനത്ത പോരാട്ടം കാഴ്ചവച്ച സമീറിന് നിര്‍ണായകമായ മൂന്നാം സെറ്റില്‍ കാലിടറുകയായിരുന്നു. ആദ്യ സെറ്റില്‍ സമീര്‍ 11-16 എന്ന നിലയില്‍ പിറകിലായിരുന്നെങ്കിലും 20-20 എന്ന നിലയിലെത്തി. അവിടെവച്ച് ര@ണ്ട് പോയിന്റുകള്‍ തുടരെ നേടിയ ചൈനീസ് താരം സെറ്റ് സ്വന്തമാക്കുകയായിരുന്നു. രണ്ട@ാം സെറ്റില്‍ സമീര്‍ ശക്തമായി തിരിച്ചുവരുന്ന കാഴ്ചയായിരുന്നു.
ആദ്യ സെറ്റിന്റെ ആവര്‍ത്തനമെന്നോണം സമീര്‍ 11-16ന് പിന്നില്‍ നിന്ന് തിരിച്ചടിച്ച് സ്‌കോര്‍ 20-20ല്‍ എത്തിക്കുകയും പിന്നീട് ഗംഭീര പ്രകടനത്തോടെ സെറ്റ് സ്വന്തമാക്കുകയുമായിരുന്നു. എന്നാല്‍, മൂന്നാം സെറ്റിന്റെ തുടക്കത്തില്‍ 9-0 എന്ന നിലയില്‍ ഷി യുഖി ലീഡെടുത്തു. ഇന്ത്യന്‍ താരം തിരിച്ചുവരുമ്പോഴേക്കും സെറ്റും മാച്ചും ഷി യുഖി സ്വന്തമാക്കിയിരുന്നു. മിക്‌സഡ് ഡബിള്‍സില്‍ ഇന്ത്യയുടെ പ്രണവ് ജെറി ചോപ്ര, സിക്കി റെഡ്ഡി സഖ്യം അയര്‍ലന്‍ഡ് സഖ്യത്തെ തോല്‍പ്പിച്ച് രണ്ട@ാം റൗണ്ട@ിലെത്തി. സ്‌കോര്‍ 22-20, 24-20.