വടകര: കാലിക്കറ്റ് യൂനിവേഴ്‌സിറ്റി ബി.സോണ്‍ കലോത്സവത്തിന്റെ മീഡിയ റൂം തുറന്നു. കലോത്സവത്തിന്റെ പ്രധാന നഗരിയായ എം.യു.എം ഹയര്‍ സെക്കന്‍ഡറി സ്‌കൂളിലാണ് മീഡിയ റൂം പ്രവര്‍ത്തനം തുടങ്ങിയത്. സംഘാടകസമിതി രക്ഷാധികാരി ടി. സിദ്ദീഖ് മീഡിയ റൂമിന്റെ ഉദ്ഘാടനം നിര്‍വഹിച്ചു.
യൂനിവേഴ്‌സിറ്റി ജില്ലാ എക്‌സിക്യൂട്ടീവ് മുഹമ്മദ് സ്വാഹിബ് അധ്യക്ഷനായി.
എ.പി അബ്ദസ്സമദ്, വി.പി ദുല്‍ഖിഫില്‍, ലത്തീഫ് തുറയൂര്‍, അഫ്‌നാസ് ചോറോട് അഷ്‌റഫ് കോട്ടക്കല്‍, സജീവന്‍ മാസ്റ്റര്‍, ഷുഹൈബ് കുന്നത്ത്, എം. ഫൈസല്‍, ഷമീര്‍ പാഴൂര്‍, ലത്തീഫ് പനങ്ങോട്ടുമ്മല്‍, നൗഷാദ് മാസ്റ്റര്‍ നഫ്‌സല്‍ വടകര പങ്കെടുത്തു.