മലപ്പുറം: പ്രസ്‌ക്ലബും ജില്ലാ ഇന്‍ഫര്‍മേഷന്‍ വകുപ്പും സംയുക്തമായി 'ലോകകപ്പ് ഫുട്‌ബോള്‍ ഫൈനലിന് മുന്നെ ഒരു ഫൈനല്‍ വിവിധ ലോക ഭാഷ പത്രങ്ങളിലൂടെ' എക്‌സിബിഷന്‍ സംഘടിപ്പിച്ചു.
മുന്നിയൂര്‍ ഗവ. യു.പി സ്‌കൂള്‍ പ്രധാനാധ്യാപകനായ സുബൈര്‍ കളിയാട്ടമുക്കിന്റെ ശേഖരത്തിലുള്ള 2006 ലോകകപ്പ് ഫുട്‌ബോളിന്റെ വാര്‍ത്തകളുമായി വന്ന വിവിധ ഭാഷാ പത്രങ്ങള്‍, മാഗസിനുകള്‍ എന്നിവയാണ് പ്രദര്‍ശനത്തിലുണ്ടായിരുന്നത്. മലപ്പുറം ഡി.ഡി.ഇ നിര്‍മല ദേവി ഉദ്ഘാടനം ചെയ്തു.
പ്രസ്‌ക്ലബ് സെക്രട്ടറി സുരേഷ് എടപ്പാള്‍ അധ്യക്ഷനായി.