കൂത്തുപറമ്പ്: മറവിക്കെതിരെയുള്ള സമരം ഏറ്റവും വലിയ പ്രതിഷേധവും രാഷട്രീയ പ്രവര്‍ത്തനവുമാണെന്നുസി.പി.ഐ. ജില്ലാ സെക്രട്ടറി അഡ്വ.പി. സന്തോഷ് കുമാര്‍ പറഞ്ഞു.സി.പി.ഐ. നേതാവും വേങ്ങാട് പഞ്ചായത്ത് മുന്‍ പ്രസിഡന്റുമായിരുന്ന കാനത്തായി നാരായണന്റെ ചരമ വാര്‍ഷിക അനുസ്മരണം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
നമ്മുടെ നാട് ഇന്ന് കാണുന്ന നിലയില്‍ എങ്ങനെ ആയെന്നും അതിനു വേണ്ടി മഹാത്മാക്കള്‍ സഹിച്ച ത്യാഗവും ഓര്‍ക്കുന്നത് അനിവാര്യമാണ്.ഇന്ന് ഉപജീവനത്തിനു വേണ്ടി രാഷ്ട്രീയ പ്രവര്‍ത്തനം നടത്തുന്നവരാണ് കൂടുതല്‍.ഒരു സാമൂഹ്യ ബോധവും ഇല്ലാതെയാണ് ചിലര്‍ രാഷ്ട്രീയ പ്രവര്‍ത്തനം നടത്തുന്നത്.ആളുകള്‍ കൂടുതലുള്ള പാര്‍ട്ടിയിലേക്ക് ചേരുകയാണ് പലരും.നാട്ടില്‍ കൂടുതല്‍ ആളുകള്‍ ഉള്ള പാര്‍ട്ടിയില്‍ ചേരുന്നത് ഫാഷന്‍ ആയിരിക്കുകയാണെന്നും അദ്ദേഹം പറഞ്ഞു.പി.സി.ശങ്കരന്‍ അധ്യക്ഷനായി.വേങ്ങാട് ഇ.കെ.എന്‍. എസ്. ഗവ.ഹയര്‍സെക്കന്‍ഡറി സ്‌കൂളില്‍ നിന്നും എസ്.എസ്.എല്‍. സി. പരീക്ഷയില്‍ എല്ലാ വിഷയത്തിലും എ പ്ലസ് നേടിയവരെയും കേരള സ്‌പോര്‍ട്‌സ് കൗണ്‍സില്‍ ഓഫ് ഡഫ് അവാര്‍ഡ് ജേതാവ് കെ പ്രിഥുനിനേയും ജില്ലാ പഞ്ചായത്ത് സ്ഥിരം സമിതി അധ്യക്ഷന്‍ വി.കെ. സുരേഷ് ബാബു ഉപഹാരം നല്‍കി അനുമോദിച്ചു.